Popular Bible Verses from Jesus Guys 13

શેર કરો

Wen dese guys stay pray to God, an skip food wen dey pray, da Good An Spesho Spirit tell, “Pick Barnabas an Saul, an make dem spesho fo me, fo do da stuff I like um fo do.” Afta dey all skip food an pray, dey put dea hands on top Barnabas an Saul, an sen um all ova da place.

My braddahs an sistahs, dass why I like you guys know dis stuff. Cuz a Jesus, we tell you guys dat God can let you guys go, an hemo yoa shame fo all da bad kine stuff you do. Da Rules Moses wen write down no can take away dat bad stuff an make you guys get um right wit God. But all da peopo dat trus Jesus, dey get um right wit God awready.

Cuz dis wat Da One In Charge tell us fo do, “ ‘I make you guys jalike one light Fo da diffren peopos dass not Jew guys, Fo you tell all da peopo all ova da world Dat I can get dem outa da bad kine stuff dey stay do.’ ”