Loma 3 માંથી લોકપ્રિય બાઇબલ વચનો

શેર કરો

omwo vanu voshe vanalingi vuvi, co vanaangunuka ku kwamena kwa Njambi. Oloni vanavapwisa vaka-vushunga kuli Njambi a vwana vwa kutetela kwa Njambi ali Yesu Kilistu, uje navapatula.

Njambi alingisa vanu ngeci vapwe vaka-vushunga akukulaela kwavo kuli Yesu Kilistu. Njambi alinga eci kuli voshe vaje vakulaela kuli Kilistu, omwo kumwesi kaangu kai

Njambi wamupwisile n̄ombelo, ngeci a n̄ombelo ya kutsa kwendi akapwe ciingo cakusambesa vuvi vwa vanu akukulaela kwavo kuli ikeye. Njambi walingile cuma eci mukumwesa ngeci napu muka-vushunga. Ku san̄ulu Njambi wasimpile, co kombileko mbunge ku vuvi vwa vanu, oloni ku simbu ino alinakuhisa vuvi vwa vanu, mukumwesa vushunga vwendi. Mu ngila eyi vene Njambi alinakumwesa ngeci ikeye vavenya napu muka-vushunga, co munu woshe uje akulaela kuli Yesu Njambi amupwisa muka-vushunga.

Omwo munu naumo wai napu muka-vushunga ku mesho a Njambi navilinga vya majwi a Lishiko, omwo majwi a Lishiko akewo anaija ngeci munu azivuke ngwendi nalingi vuvi.

Ngwe muvyendeka visoneka ngwavyo, “Naumo wai muka-vushunga, naumo wai ali na mana nambe muka-kulemesa Njambi. Voshe vanatenguluka kutunda kuli Njambi, voshe vanalingi vuvi, naumo wai akalingi cuma ca vushunga, nameme umo wai.

Omwo twayongola ngeci munu vamupwisa muka-vushunga ku mesho a Njambi akukulaela lika, kesi ku vilinga vya majwi a Lishiko.

Mwa vushunga vene embwe! Njambi napande kupwa wa vushunga, nameme vanu voshe vapwa vaka-makuli. Ngwe muvyendeka visoneka ngwavyo, “Unapande kusholoka muka-vushunga omo wendeka, unapande kuhyana mulonga wove omo vakusompa.”