Loma 1 માંથી લોકપ્રિય બાઇબલ વચનો

શેર કરો

Omwo kunjesi na shwamwa mukwambulula muzimbu wauvwa, unapu nzili ya Njambi yakwovola voshe vaje vakulaela, akulivanga kuli vaYunda, co lalo na kuli vaje kesi vaYunda.

Omwo muzimbu wauvwa usholola vati Njambi nalingisa vanu ngeci vapwe vaka-vushunga ku mesho endi, cinapu mukukulaela kutunda ku shongo nakweta ku mamaneselelo. Ngwe muvyendeka visoneka ngwavyo, “Munu uje ivanapwisa muka-vushunga ku mesho a Njambi akukulaela akayoya.”

Tunde aje Njambi watangele kaye, vifwa vyendi vije kutwasa kumona, nzili yendi ya myaka yoshe na cifwa cendi ca vu Njambi, vinasholoka mwamuvwa, vanu vasa kuvizivukila mu vyuma vije vyanalingi Njambi. Ngecivene, vanu ava kuvasa kulisambesa embwe!

Omwo nameme vazivuka Njambi, oloni kuvamusingimika, nambe kumukandelela. Oloni viyongola vyavo vinapu vyangoco, co mana avo amupulungwa anashulu na lisusulungu.

Omwo vanavyana kukulaela vushunga vwa Njambi, co vanakulaela makuli, co valemesa nakupangela vije vyanatanga Njambi kujeneka kulemesa vavenya uje wavitangele, uje ivanapande kushangazala myaka yoshe! Ewa.

Omwo vukalu vwa Njambi vunasholoka kutunda mwilu omwo a vuvi naa vilinga vya kupenga-penga vyoshe vya vanu vaje vilinga vyavo vyavivi vivindika vushunga ngeci kesi vavuzivuke.

Omwo a cuma eci, Njambi navecelela ngeci valinge vyuma vya shwamwa ngwe ku mashungu avo. Nambe vanakazi vanatengulula kulinga vilika na vanalume mu ngila ya cisemwa, oloni valinakuvilinga mu vingila vije kuvyapandelemo. Co mu ngila imo lalo vanalume vanatengulula kulinga vilika na vanakazi mu ngila ya cisemwa, oloni valinakulinga vundei na vakwavo vanalume. Vanalume valinakulinga vyuma vya shwamwa kuli umo na mukwavo, co a cuma eci vanatambula fweto inavapande omwo vilinga vyavo vyavivi vije vivanalingi. Omwo vanu ava vanavyana kunyunga vushunga vwakuzivisisa Njambi mu viyongola vyavo, Njambi navecelela vakale na mana amavi, ngeci valinge vyuma vije kuvapandele kulinga.

Vendeka ngwavo vanapu vaka-mana, oloni vanapu vilema, co vanalikela kulemesa Njambi wakuyoya myaka yoshe, oloni valemesa vyuma vya vifwa vya munu uje kesi kuyoya myaka yoshe na vifwa vya tuzila nambe tusitu nambe vyakulikoka.