Popular Bible Verses from Vilinga vya Miluwa 5

શેર કરો

Oloni Petulu na miluwa vakwavo vavakumbulwile ngwavo, “Tunapande kwononoka Njambi, kesi vanu.

Co a litangwa na litangwa vakele nakulongesa nakwambulula Vin̄anda Vyavivwa vya Yesu Wakuvwavesa mu Njuvo ya Shukulu Kalunga na mu vinjuvo vya vanu.

Oloni Petulu wendekele kuli ikeye ngwendi, “Ananiya, omwo vika unatava Satana akovele mu mbunge yove nakwendeka makuli kuli Munzinzime Wakujela akushweka litambelo limo lya vimbongo viwunatambula akulandesa vufuko vwove? Omwo ovu vufuko vwapwile vwove omo kanda uvulandese, co nambe omo wavulandesele, vimbongo vyapwile vyove. Omwo vikoni wayongwele kulinga cuma eci? Kuwakwisile vanu embwe, oloni unakwisa Njambi!” Aje vene omo Ananiya wazivile majwi awa, wawililile asi watsile, co voshe vacizivile vakele na lyova.

Ngecivene, a n̄anda eyi njimileka ngwange, kesi mweseke kulinga cuma cimo ali ava vanalume. Veceleni! Nga evi vanayongola nakuvilinga vinatundu ku vanu, vikahwa vene, oloni nga vinatunda kuli Njambi, kumwasa kuvahyana. Mukalimona ngwe mulinakulwisa Njambi!” Co Munga vakavele kunangula kwa Ngamalyele.