Popular Bible Verses from رُومَا 8

શેર કરો

وْحْنَا كَنْعَرْفُو بْلِّي اللَّهْ كَيْخَلِّي ݣَاعْ الْأُمُورْ تْخْدَمْ لْلْخِيرْ لْهَادُوكْ اللِّي كَيْبْغِيوْهْ، اللِّي خْتَارْهُمْ عْلَى حْسَابْ الْقَصْدْ دْيَالُه.

وْأَنَا مْتْيِقّْنْ بْلِّي لَا الْمُوتْ وَلَا الْحَيَاةْ، وَلَا الْمَلَايْكَة وَلَا الرُّؤَسَا، وَلَا الْأُمُورْ دْيَالْ هَادْ الْوَقْتْ وَلَا دْيَالْ الْمُسْتَقْبَلْ، وَلَا الْقُوَّاتْ دْيَالْ السّْمَا، وَلَا الْعْلُو وَلَا الْغُرْقْ، وَلَا حْتَّى شِي مْخْلُوقَاتْ خْرِينْ، يْقَدْرُو يْفَرّْقُونَا عْلَى الْمْحَبَّة دْيَالْ اللَّهْ اللِّي بَانْتْ فْالْمَسِيحْ يَسُوعْ رَبّْنَا.

وْالرُّوحْ الْقُدُسْ حْتَّى هُوَ كَيْعَاوْنْ الضُّعْفْ دْيَالْنَا، حِيتْ حْنَا مَا كَنْعَرْفُوشْ كِيفَاشْ خَاصّْنَا نْصَلِّيوْ، وَلَكِنْ الرُّوحْ الْقُدُسْ بْرَاسُه كَيْشْفَعْ لِينَا عَنْدْ اللَّهْ بْكْلَامْ مَا كَيْتّْوْصَفْشْ.

إِيوَا أَشْنُو غَنْݣُولُو مْنْ بَعْدْ هَادْشِّي كُلُّه؟ إِلَا كَانْ اللَّهْ مْعَانَا شْكُونْ اللِّي غَيْكُونْ ضْدّْنَا؟

وْدَابَا مَا بْقَى حْتَّى شِي حُكْمْ عْلَى هَادُوكْ اللِّي فْالْمَسِيحْ يَسُوعْ.

وْرَاهْ اللِّي كَيْدِّيهَا فْالْأُمُورْ دْيَالْ الدَّاتْ كَيْمُوتْ، أَمَّا اللِّي كَيْدِّيهَا فْالْأُمُورْ الرُّوحِيَّة كَتْكُونْ عَنْدُه الْحَيَاةْ وْالْهْنَا،

وَلَكِنْ فْهَادْ الْأُمُورْ كُلّْهَا عَنْدْنَا النّْصَرْ كَامْلْ بْهَادَاكْ اللِّي بْغَانَا.

وْأَنَا مْتْيِقّْنْ بْلِّي الْعْدَابْ دْيَالْنَا فْهَادْ الزّْمَانْ مَا كَيْسْوَى حْتَّى حَاجَة قُدَّامْ الْعَزّْ اللِّي غَيْبَيّْنُه اللَّهْ لِينَا.

شْكُونْ اللِّي يْقْدَرْ يْفْرَقْنَا عْلَى الْمْحَبَّة دْيَالْ الْمَسِيحْ؟ وَاشْ الْمْحْنَة، وْلَا الضِّيقْ، وْلَا التَّعَدُّو، وْلَا الجُّوعْ، وْلَا الْعْرَا، وْلَا الْخَطَرْ، وْلَا السِّيفْ؟

وْاللَّهْ اللِّي كَيْفْحَصْ الْقْلُوبْ، كَيْعْرَفْ الْقَصْدْ دْيَالْ الرُّوحْ الْقُدُسْ، عْلَاحْقَّاشْ كَيْشْفَعْ لْلْمْقَدّْسِينْ عْلَى حْسَابْ مُرَادْ اللَّهْ.

وْݣَاعْ هَادُوكْ اللِّي كَيْتْبْعُو رُوحْ اللَّهْ، رَاهُمْ وْلَادْ اللَّهْ.

حِيتْ هَادُوكْ اللِّي كَيْعِيشُو عْلَى حْسَابْ الدَّاتْ، كَيْدِّيوْهَا فْالْأُمُورْ دْيَالْ الدَّاتْ، وَلَكِنْ هَادُوكْ اللِّي كَيْعِيشُو عْلَى حْسَابْ رُوحْ اللَّهْ، كَيْدِّيوْهَا فْالْأُمُورْ الرُّوحِيَّة.

اللَّهْ اللِّي مَا عَزّْشْ فِينَا الْوَلْدْ دْيَالُه، وَلَكِنْ وْهْبُه عْلَى وْدّْنَا كَامْلِينْ، كِيفَاشْ مَا يْعْطِينَاشْ مْعَاهْ كُلّْشِي؟

وْهَادْ الرُّوحْ نِيتْ كَيْشْهَدْ لْلرُّوحْ دْيَالْنَا بْلِّي حْنَا وْلَادْ اللَّهْ. وْحِيتْ حْنَا وْلَادْ اللَّهْ رَاهْ حْنَا وَرَتَة، يَعْنِي وَرَتَة فْدَاكْشِّي اللِّي وْعَدْ بِيهْ اللَّهْ، وْغَنْشَارْكُو الْوَرْتْ مْعَ الْمَسِيحْ. وْإِلَا كْنَّا كَنْشَارْكُو مْعَاهْ الْعْدَابْ دْيَالُه، رَاهْ غَنْشَارْكُو مْعَاهْ حْتَّى الْعَزّْ دْيَالُه.

عْلَاحْقَّاشْ اللِّي كَيْدِّيهَا فْالدَّاتْ رَاهْ ضْدّْ اللَّهْ، وْمَا كَيْخْضَعْشْ لْلشّْرَعْ دْيَالْ اللَّهْ، وَلَا كَيْقْدَرْ يْدِيرْ بِيهْ.

حِيتْ ݣَاعْ الْمْخْلُوقَاتْ كَيْتّْسْنَّاوْ غِيرْ إِيمْتَى يْبَيّْنْ اللَّهْ وْلَادُه.

وْرَاهْ حْنَا كَنْعَرْفُو بْلِّي ݣَاعْ الْمْخْلُوقَاتْ كَيْنِينُو وْكَيْتّْوَجّْعُو حْتَّى لْدَابَا.