Popular Bible Verses from رُومَا 6

શેર કરો

حِيتْ الْأُجْرَة دْيَالْ الدّْنُوبْ هِيَ الْمُوتْ، وَلَكِنْ الْعَطِيَّة دْيَالْ اللَّهْ هِيَ الْحَيَاةْ الدَّايْمَة فْالْمَسِيحْ يَسُوعْ رَبّْنَا.

وْهَكَّا مَا غَيْتّْحْكّْمُوشْ فِيكُمْ الدّْنُوبْ، حِيتْ نْتُمَ مَاشِي تَحْتْ حْكَامْ الشّْرَعْ، وَلَكِنْ تَحْتْ حْكَامْ النِّعْمَة دْ اللَّهْ.

وْبْالْمَعْمُودِيَّة تّْدْفَنَّا مْعَاهْ وْشَارْكْنَاهْ فْالْمُوتْ دْيَالُه، بَاشْ كِمَا تّْبْعَتْ الْمَسِيحْ مْنْ الْمُوتْ بْالْعَزّْ دْيَالْ الْآبْ، هَكَّا نْحْيَاوْ حْتَّى حْنَا حَيَاةْ جْدِيدَة.

وْمَا تْقَدّْمُوشْ الدَّاتْ دْيَالْكُمْ لْلدّْنُوبْ بَاشْ تْدِيرْ الْإِتْمْ، وَلَكِنْ قَدّْمُو الدَّاتْ دْيَالْكُمْ لْلَّهْ بَاشْ تْدِيرْ اللِّي كَيْرْضِيهْ، حِيتْ رَاكُمْ حَيِّينْ وْتّْبْعَتُّو مْنْ بِينْ الْمُوتَى.

وْحْنَا كَنْعَرْفُو بْلِّي الطّْبِيعَة الْقْدِيمَة اللِّي فِينَا تّْصَلْبَاتْ مْعَ الْمَسِيحْ، بَاشْ تّْحَيّْدْ سُلْطَةْ الدّْنُوبْ اللِّي فْالدَّاتْ دْيَالْنَا وْمَا نْبْقَاوْشْ عْبِيدْ لِيهَا.

وْهَكَّا حْتَّى نْتُمَ، حْسْبُو رَاسْكُمْ مْيّْتِينْ مْنْ جِهْةْ الدّْنُوبْ، وَلَكِنْ حَيِّينْ لْلَّهْ فْالْمَسِيحْ يَسُوعْ.

إِيوَا أَشْنُو غَنْݣُولُو؟ وَاشْ خَاصّْنَا نْبْقَاوْ عَايْشِينْ فْالدّْنُوبْ بَاشْ تْكْتَرْ نِعْمَةْ اللَّهْ؟ حَاشَا! رَاهْ حْنَا مْتْنَا عْلَى الدّْنُوبْ، إِيوَا كِيفَاشْ غَنْبْقَاوْ عَايْشِينْ فِيهُمْ؟

وَاشْ مَا كَتْعَرْفُوشْ بْلِّي إِلَا عْطِيتُو رَاسْكُمْ عْبِيدْ لْشِي وَاحْدْ بَاشْ تْطِيعُوهْ، غَتْكُونُو عْبِيدْ لْهَادَاكْ اللِّي كَتْطِيعُوهْ: يَا إِمَّا عْبِيدْ لْلدّْنُوبْ اللِّي كَيْدِّيوْ لْلْمُوتْ، وْلَا لْلطَّاعَة اللِّي كَتْدِّي لْلتَّقْوَى؟

وَلَكِنْ كَنْشَكْرُو اللَّهْ حِيتْ وَاخَّا كْنْتُو عْبِيدْ لْلدّْنُوبْ، قْبَلْتُو مْنْ قَلْبْكُمْ الشّْكَلْ دْيَالْ التَّعْلِيمْ اللِّي خْدِيتُوهْ. وْرَاكُمْ تْحَرّْرْتُو مْنْ الدّْنُوبْ وْوْلِّيتُو عْبِيدْ لْلتَّقْوَى.