Popular Bible Verses from رُومَا 14

શેર કરો

حِيتْ مَمْلَكَةْ اللَّهْ مَاشِي هِيَ الْمَاكْلَة وْالشّْرَابْ، وَلَكِنْ رَاهْ هِيَ التَّقْوَى وْالْهْنَا وْالْفَرْحَة بْالرُّوحْ الْقُدُسْ. اللِّي كَيْخْدَمْ لْلْمَسِيحْ بْحَالْ هَكَّا رَاهْ مْرْضِي عَنْدْ اللَّهْ، وْمْقْبُولْ عَنْدْ النَّاسْ.

عْلَاحْقَّاشْ إِلَا عْشْنَا رَاهْ كَنْعِيشُو لْلرَّبّْ، وْإِلَا مْتْنَا رَاهْ كَنْمُوتُو لْلرَّبّْ. وْسْوَا عْشْنَا وْلَا مْتْنَا رَاهْ حْنَا دْيَالْ الرَّبّْ.

إِيوَا خَاصّْنَا نْقَلّْبُو عْلَى الْأُمُورْ اللِّي فِيهَا الْهْنَا، وْالْأُمُورْ اللِّي كَتْقَوِّينَا فْالْإِيمَانْ.

إِيوَا رَاهْ مَا خَاصّْنَاشْ نْبْقَاوْ نْحَكْمُو عْلَى بْعْضِيَّاتْنَا، وَلَكِنْ حْكْمُو بْهَادْشِّي: مَا يْكُونْشْ شِي وَاحْدْ عَتْرَة لْخُوهْ وْلَا يْتّْسَبّْبْ لِيهْ فْالدّْنُوبْ.

حِيتْ مْكْتُوبْ فْكْتَابْ اللَّهْ: «أَنَا حَيّْ كَيْݣُولْ الرَّبّْ، رَاهْ كُلّْ رْكْبَة غَتّْحْنَى لِيَّ، وْكُلّْ لْسَانْ غَيْعْتَرْفْ بْلِّي أَنَا اللَّهْ». وْهَكَّا كُلّْ وَاحْدْ مْنَّا غَادِي يْتّْحَاسْبْ عْلَى رَاسُه قُدَّامْ اللَّهْ.

قْبْلُو اللِّي ضْعِيفْ فْالْإِيمَانْ، بْلَا مَا تْحَكْمُو عْلَى الْأَفْكَارْ دْيَالُه.

شْكُونْ نْتَ بَاشْ تْحْكَمْ عْلَى الْعَبْدْ دْيَالْ غِيرْكْ؟ سْوَا تْبَتْ وْلَا فْشَلْ، رَاهْ هَادَا شْغُلْ سِيدُه. وَلَكِنْ غَادِي يْتْبَتْ، حِيتْ اللَّهْ قَادْرْ يْتَبّْتُه.