Popular Bible Verses from رُومَا 12

શેર કરો

وْمَا تْدِيرُوشْ كِيفْ كَيْدِيرُو نَاسْ هَادْ الدّْنْيَا، وَلَكِنْ تْبَدّْلُو وْخَلِّيوْ الْأَفْكَارْ دْيَالْكُمْ تْتْجَدّْدْ، بَاشْ تْعَرْفُو مُرَادْ اللَّهْ الْمْزْيَانْ وْالْمْقْبُولْ وْالْكَامْلْ.

عْلَى هَادْشِّي آ الْخُوتْ، كَنْطْلَبْ مْنّْكُمْ عْلَى وْدّْ الرَّحْمَة دْ اللَّهْ بَاشْ تْقَدّْمُو الدَّاتْ دْيَالْكُمْ دْبِيحَة حَيَّة وْمْقَدّْسَة كَتْرْضِي اللَّهْ، وْهَادِي هِيَ الْعِبَادَة الرُّوحِيَّة دْيَالْكُمْ.

وْفْرْحُو بْسْبَابْ الرّْجَا اللِّي عَنْدْكُمْ، وْصْبْرُو فْالْمْحْنَة، وْصَلِّيوْ عْلَى الدّْوَامْ.

مَا تْخَلِّيشْ الشَّرّْ يْغَلْبَكْ وَلَكِنْ غْلَبْ الشَّرّْ بْالْخِيرْ.

بْغِيوْ بْعْضِيَّاتْكُمْ مْنْ قَلْبْكُمْ بْحَالْ الْخُوتْ. وْحْتَرْمُو غِيرْكُمْ كْتَرْ مْنْ رَاسْكُمْ.

وْخَاصّْ تْكُونْ الْمْحَبَّة دْيَالْكُمْ بْلَا نِفَاقْ، كْرْهُو الشَّرّْ وْتْبْتُو فْالْخِيرْ.

وْإِلَا مُمْكِنْ، عِيشُو فْالْهْنَا مْعَ ݣَاعْ النَّاسْ عْلَى قْدّْ جَهْدْكُمْ.

مَا تْنْتَقْمُوشْ لْرَاسْكُمْ آ حْبَابِي، وَلَكِنْ خَلِّيوْ اللَّهْ هُوَ اللِّي يْنْتَقْمْ، حِيتْ كْتَابْ اللَّهْ كَيْݣُولْ: «أَنَا الرَّبّْ اللِّي كَنّْتَقْمْ وْأَنَا اللِّي كَنْجَازِي كُلّْ وَاحْدْ».

دِيرُو جَهْدْكُمْ وْمَا تْكُونُوشْ مْعْݣَازِينْ، تّْشَجّْعُو فْالرُّوحْ وْخْدْمُو لْلرَّبّْ.

وْبْفْضَلْ النِّعْمَة اللِّي عْطَانِي اللَّهْ كَنْوَصِّي كُلّْ وَاحْدْ فِيكُمْ، بَاشْ يْكُونْ رْزِينْ وْمَا يْعْطِيشْ قِيمَة لْرَاسُه كْتَرْ مْنْ اللَّازْمْ، عْلَى حْسَابْ الْقْيَاسْ دْيَالْ الْإِيمَانْ اللِّي عْطَاهْ اللَّهْ لْكُلّْ وَاحْدْ.

مَا تْرَدُّوشْ الشَّرّْ بْالشَّرّْ. وْدِيرُو جَهْدْكُمْ بَاشْ تْدِيرُو الْخِيرْ قُدَّامْ ݣَاعْ النَّاسْ.

كُونُو مْتَّافْقِينْ مْعَ بْعْضِيَّاتْكُمْ، وْمَا تْدِّيوْهَاشْ فْالْأُمُورْ دْيَالْ الدّْنْيَا وَلَكِنْ كُونُو مْتْوَاضْعِينْ، وْمَا تْحَسْبُوشْ رَاسْكُمْ حُكَمَا.

وْكَيْݣُولْ عَاوْتَانِي: «إِلَا جَاعْ عْدُوكْ عْطِيهْ يَاكُلْ، وْإِلَا عْطَشْ عْطِيهْ يْشْرَبْ، حِيتْ إِلَا دْرْتِي هَادْشِّي رَاهْ بْحَالْ إِلَا كَتْجْمَعْ الجّْمَرْ دْ الْعَافْيَة عْلَى رَاسُه».

بَارْكُو اللِّي كَيْتّْعَدَّاوْ عْلِيكُمْ، بَارْكُو وْمَا تْلَعْنُوشْ. فْرْحُو مْعَ اللِّي كَيْفَرْحُو، وْبْكِيوْ مْعَ اللِّي كَيْبْكِيوْ.

عَاوْنُو الْمُومْنِينْ الْمْحْتَاجِينْ، وْدِيمَا ضَايْفُو الْبْرَّانِيِّينْ.

وْرَاهْ كِمَا كَايْنْ فْدَاتْ وَحْدَة بْزَّافْ دْيَالْ الطّْرَافْ، وَلَكِنْ مَاشِي ݣَاعْ الطّْرَافْ كَيْدِيرُو نَفْسْ الْخْدْمَة، هَكَّا وَاخَّا حْنَا كْتَارْ، رَاهْ حْنَا دَاتْ وَحْدَة فْالْمَسِيحْ، وْكُلّْنَا طْرَافْ مْتَّاحْدِينْ مْعَ بْعْضِيَّاتْنَا، كُلّْ وَاحْدْ وْخْدَمْتُه.