Popular Bible Verses from رُومَا 1

શેર કરો

رَانِي مَا كَنْحْشَمْشْ بْالْإِنْجِيلْ حِيتْ هُوَ قُوَّةْ اللَّهْ لْلنّْجَا لْكُلّْ وَاحْدْ اللِّي كَيْآمْنْ، لْلِيهُودْ فْاللّْوّْلْ وْحْتَّى لْلْيُونَانِيِّينْ.

حِيتْ فِيهْ بَانْتْ التَّقْوَى اللِّي كَيْعْطِيهَا اللَّهْ بْالْإِيمَانْ وْبْالْإِيمَانْ بُوحْدُه، كِيفْ مْكْتُوبْ فْكْتَابْ اللَّهْ: «رَاهْ بْنَادْمْ اللِّي مْتَّاقِي اللَّهْ بْالْإِيمَانْ غَيْعِيشْ».

وْمْنْ الْوَقْتْ اللِّي تّْخَلْقَاتْ فِيهْ الدّْنْيَا، وْصِفَاتْ اللَّهْ اللِّي مَا كَتّْشَافْشْ، اللِّي هِيَ الْقُدْرَة دْيَالُه الدَّايْمَة وْالْأُلُوهِيَّة دْيَالُه، كَتْبَانْ فْالْمْخْلُوقَاتْ دْيَالُه، وْهَكَّا مَا بْقَى عَنْدْهُمْ حْتَّى عُدْرْ.

عْلَاحْقَّاشْ مْلِّي عَرْفُو اللَّهْ، مَا عْطَاوْهْشْ الْعَزّْ وْالشُّكْرْ اللِّي كَيْلِيقْ بِيهْ، وَلَكِنْ الْأَفْكَارْ دْيَالْهُمْ فْسْدَاتْ وْعْقَلْهُمْ الْخَاوِي وْلَّى مْضَلّْمْ.

حِيتْ بَدّْلُو الْحَقّْ دْيَالْ اللَّهْ بْالْكْدُوبْ، وْعْبْدُو وْخْدْمُو الْمْخْلُوقْ فْعُوضْ الْخَالْقْ، اللِّي كَيْتّْبَارْكْ عْلَى الدّْوَامْ. آمِينْ.

حِيتْ اللَّهْ بَيّْنْ الْغَضَبْ دْيَالُه مْنْ السّْمَا عْلَى ݣَاعْ الشَّرّْ وْالدّْنُوبْ دْيَالْ النَّاسْ اللِّي كَيْضَرّْݣُو الْحَقّْ بْالدّْنُوبْ.

عْلَى دَاكْشِّي خْلَّاهُمْ اللَّهْ لْلشَّهَوَاتْ الْخَايْبَة، حِيتْ عْيَالَاتْهُمْ بَدّْلُو الْعَلَاقَة الْجِنْسِيَّة الطَّبِيعِيَّة بْالْعَلَاقَة اللِّي مَاشِي طَبِيعِيَّة. وْبْنَفْسْ الطَّرِيقَة سْمْحُو الرّْجَالْ حْتَّى هُمَ فْالْعَلَاقَة الْجِنْسِيَّة الطَّبِيعِيَّة مْعَ الْعْيَالَاتْ، وْوْلَّاوْ كَيْتّْشَهَّاوْ بْعْضِيَّاتْهُمْ، وْكَيْفَسْدُو رْجَالْ مْعَ رْجَالْ، وْهَكَّا خْدَاوْ الْعِقَابْ اللِّي كَيْسْتَاهْلُوهْ عْلَى دَاكْشِّي اللِّي دَارُو. وْحِيتْ مَا بْغَاوْشْ يْبْقَاوْ يْعَرْفُو اللَّهْ، خْلَّاهُمْ اللَّهْ يْتْبْعُو الْأَفْكَارْ دْيَالْهُمْ الْفَاسْدَة بَاشْ يْدِيرُو دَاكْشِّي اللِّي مَا خَاصُّوشْ يْتْدَارْ.

كَيْݣُولُو بْلِّي هُمَ حُكَمَا وَلَكِنْ هُمَ حْمَّاقْ، وْبَدّْلُو الْعَزّْ دْيَالْ اللَّهْ اللِّي مَا كَيْفْنَاشْ بْتَمَاتِيلْ عْلَى صُورْةْ بْنَادْمْ اللِّي كَيْفْنَى، وْالطّْيُورْ، وْالْحَيَوَانَاتْ اللِّي كَتْمْشِي، وْالْحَيَوَانَاتْ اللِّي كَتْزْحَفْ.