MATEWUS 6 માંથી લોકપ્રિય બાઇબલ વચનો

શેર કરો

May gargi mulda-Lawna hiɗi ɗigerta valamu jewe, bugolda nam ma tapgi sle hen kaf kuɗum kaw.

Kay na'ta yorgi tuwgi kay jifintaɗi, hin jifinta yor tuwa' kay tuwa' ɗeŋe. Buur tarige kaw as ziy zumalda va' kay tuwa'a tuwa'a.

Kay na'ta nan digiya, yorgi tuwgi kay irita vigiɗi, yorgi tuwgi kay va ma nigi ma tumnaɗi, yorgi tuwgi kay sligar ma nigi ma cukum tiginaɗi kaw. Irita kayni ŋol suw tin ɗisu? Tuwn kaw suw sligara ɗisu?

May hay li ma naŋ siɗawa, tuɗaŋ ŋayaŋ kalaf hay ziyda, dukaŋ vun-ziyn kulo kaŋu, naŋ ma siɗaw buŋu ma ka goy ŋayaya, nam ma wurakaŋu goy haraŋi.

Kay na'ta siɗawta vigi ma li ki kayn nala: Buma'a hay wuralawna, Hin semda vaŋu li goy peldete, Hin mulda vaŋu ma'a; Hin minda vaŋu li gaa kay nagata, Ki naŋ la' hay wuralawna nala kaw

Vulma tina vuma'a ma numa tum vaydina

Vulma gida kay sulukŋa vuma ta', ki numa vul gida mi sa li suluk katma nala kaw.

Hinma cuk hay nemdaɗi, may suɗma goyo hay joota suɗu. Kay mulda kaw vaŋu, gaŋeraŋa kaw vaŋu, ŋolda kaw vaŋu ta-ta hay vatɗita. Amen.

Kay la nigi vul gida mi sumuna kay sulukŋa visiya, bugiya ma hay wuralawna ma vulgi gida kaw

Ɗuwgi layayn ma dukalawn tige, nam was jafɗi, fe'ɗi, cuk va hay feeraɗi kaw, may bugi ma hay wuralawna vulum tina valamu. Nigi suw layayn hiɗi ŋoldaɗi su?

Tokgi farayn kigiya hay nagatɗi, hay li ma fotna fi tumu, hay li ma nam as saŋa, hay li ma kulla co kalafi kay kula kaw. May tokgi farayn kulo'o hay wuralawna, hay li ma fotna as tumɗi, nam as saŋɗi, hay li ma kulla co kalafi kay kulɗi may. Kay hay liy ma farayna vaŋ ka haya, dikaŋ min mus kayn hay liy namna kaw.

Sa ma kepna fi sun muliyan ma'ɗi, kay la nanige kaw nam as ka gaw tam hena, min hena may, tap hiɗi ma kepna, ɗuw hena birek-ceke may. Nigi fi sun Lawna hiɗi Mamon ma' petɗi.

May la Lawna cuk sligara nala tam us ma hay sinena ma vaydi colay zawni kay gum goy hay kut jifini, nam ma cuk sligar tigi nigi suwɗi su? Nigi sa vida vigi kiɗayna!

May hay li ma naŋ vul va goyo, hin ɓaŋ ma gulla wi va ma ɓaŋ ma jufna liɗi, Kay vulda vaŋu ma li goy ŋayaya, buŋu ma wi kayni goy ŋayaya ma wurakaŋ goy haraŋi kaw.

Ŋomgi tuwgi ŋaa'a kay nigi ma li ɗigerta vigiya kir sumuna a nisi ma wigiyaɗi, kay la naɗina, nigi ma fi wurakŋa hay ɓam bugiya ma hay wuralawnɗi.

Hay li ma nigi li laata, nigi ma liwek irgi ki sa milena naɗi, nisi kirap irsi kulo kayni kay sumun ma wi ala nisi ka li laata, may nan digi gasita, nisi fi wurakŋa visi vatawa. May naŋu hay li ma naŋ li laata, setaŋ yaŋ hiɗi mula, muz iraŋ goyo kaw. Kay naŋ li laat kayni may kir sumunɗi, may kir buŋu ma ka goy ŋayaya, buŋu ma wi kayni goy ŋayaya ma wurakaŋu.