Popular Bible Verses from Matew 27

શેર કરો

Feymew müten, Jesus newentu wirari: “Eli, Eli, ¿lema safaktani?” (Feypiafel tati: “Iñche ñi Ngünechen. Iñche ñi Ngünechen, ¿chem mew anta kisukünuen?”)

Feychi lelen mew tati rünge fütra kortina tati ngillatuwe ruka mew wichafnagi. Wechuñ mew tuwi, fey felen puwi nageltu. Mapu ta nengümi, chengke kura wükakawi. Ka tati küfwe nülayey ka fentren lif piwkengekefulu maneluwkülen Ngünechen mew, layelu, wiñomongeyetuy.

Jesus ka kiñechi fütra wirari, fey lay.

Feymew tati Roma tuwchi kapitan ka tati müleyelu kisu engün ñi llüwatuafiel ta Jesus, pefi engün ñi rupan tati nüyün ka kom tüfachi dungu, fey llükay engün ka feypi engün: —¡Rüfngerkey ta tüfachi wentru ta Ngünechen ñi Fotümngen!

Feychi antü rangiantülu, kom mapu dumiñmalewey küla ora.

Pilato ta ramtueyew engün: —¿Fey chumafiñ anta Jesus, tati Cristo pingekelu? Kom llowdunguy engün: —¡Langümngepe ta kürus mew! Pilato ta feypieyew engün: —Fey ¿chem wesa femi amfe? Welu kisu engün ka wirari: —¡Langümngepe ta kürus mew!