Popular Bible Verses from Gḭ-Néje 49

શેર કરો

Kag-mbai lé a kḭ rɔ Juda’g kaw raŋg el ləm, Kag-tɔs gə́ ka̰ ko̰ɓee lé a kḭ ŋgira gɔlee’g kaw raŋg el ləm tɔ Saar mba kar silo ɓa ree, Kar dəwje d’ila ŋgonkoji dəa’g ya.

Jisəb to barkəm kag gə́ andə njim-njim ləm, To barkəm kag gə́ aar kəm-rəw-mán’g ləm tɔ, Barkəmeeje lé d’ḭ tur dɔ ndògo-bɔrɔ. Njéɓandaŋje lé d’ɔsee ləm, D’uree gə kandə ɓandaŋgje lə dee ləm tɔ. Deḛ ndolè gée d’wá gə meḛ dee tɔ.

Nɛ siŋgamoŋ kag ɓandaŋg ləa to kɔgərɔ ləm, Ji njesiŋgamoŋ gə́ ka̰ Jakob lé Ar siŋga jia-yeḛ lé to ne kɔgərɔ ləm tɔ. Yeḛ tel to ne njekulbadje ləm, Gə kɔr mbal lə Israɛl ləm tɔ. Kula ra Ala lə bɔbije a la səi, Kula ra Bao-siŋgamoŋ lé a tɔr ne ndia dɔi’g Gə nétɔrnduje gə́ d’ḭ sém dara gə́ tar ləm, Gə nétɔrnduje gə́ d’ḭ loo-kuru’g lə mán ləma, Gə nétɔrnduje gə́ d’ḭ ta mbà’g gə meḛ ko̰ ŋganje’g ləm tɔ.

I Juda lé ŋgakɔḭje d’a pidii ya, Jii a nai gina gwɔs njéba̰je’g ləi. Ŋgalə bɔbije d’a kunda barmba nɔḭ’g tɔ. Juda to ŋgon toboḭ. Ŋgonəm, i ḭ loo gə́ i tɔl né keneŋ lé tel ree! Yeḛ udu gɔlee ŋgon to naŋg to gə́ bɔ toboḭ bèe ləm, Asəna gə ko̰ toboḭ bèe ləm tɔ: Ŋga see na̰ ɓa a ndelee karee ḭta wa.

Rubḛ, i ɓa to ŋgondərm, I to siŋgam ləm, gə doŋgɔr siŋgamoŋ ləm ləm, Gə Bao-riɓar ləm, gə Bao-siŋgamoŋ ləm tɔ. I lé ləŋg ta təji-təji to gə́ mán bèe Ndá i a teḛkɔr dɔ marije’g el! Mbata i uba dɔ tira-to bɔbije, I ula sul dɔ tira-to bɔbije’g loo gə́ i uba dəa lé.