Popular Bible Verses from فِلِبِّي 3

શેર કરો

يَا أَخْوَانِي، أَبَداً مَا نُخُطّ فِي فِكْرِي كَدَرْ أَنَا مَلَكْت الْمَقْصُودْ خَلَاصْ. لَاكِنْ نِسَوِّي شَيّءْ وَاحِدْ بَسْ، نَنْسَى الْوَرَاءْ وَ نِفَكِّرْ فِي الْقِدَّامْ. وَ نِجَاهِدْ أَشَانْ نِتَمِّمْ الْمَقْصُودْ وَ نَلْقَى الْجَائِزَةْ وَ هِي الْبَرَكَةْ الْاللّٰهْ يِدَوْر يَنْطِيهَا لِلنَّاسْ النَّادَاهُمْ فِي مَجْدَهْ بِالْمَسِيحْ عِيسَى.

وَ نِجَاهِدْ أَشَانْ نَعَرِفْ الْمَسِيحْ تَمَامْ وَ نِعِيشْ بِقُدْرَةْ بُعَاثَهْ وَ نِشَارِكْ مَعَايَهْ فِي تَعَبَهْ. وَ نِدَوْر نَبْقَى مِثِلْ هُو بِقِي فِي مَوْتَهْ وَ خَلَاصْ بِأَيِّ دَلِيلْ، نَلْحَقْ فِي الأَخِيرْ بُعَاثْ الْمَيْتِينْ.

أَيْوَى وَ زِيَادَةْ مِنْ دَا، عِرْفَةْ الْمَسِيحْ عِيسَى رَبِّي بِقَتْ لَيِّ أَخَيْر مِنْ كُلَّ شَيّءْ وَ نَجْعَلْ كُلَّ شَيّءْ آخَرْ سَاكِتْ. فِي شَانْ الْمَسِيحْ، أَنَا خَلَّيْت كُلَّ شَيّءْ الْعِنْدِي. وَ كُلَّ شَيّءْ الْأَوَّلْ عِنْدَهْ لَيِّ فَايْدَةْ، جَعَلْتَهْ مِثِلْ وَسَخْ أَشَانْ نَلْقَى الْفَايْدَةْ الْكَبِيرَةْ وَ هِي الْعَلَاقَةْ مَعَ الْمَسِيحْ.

لَاكِنْ كُلَّ شَيّءْ الْأَوَّلْ جَعَلْتَهْ هُو عِنْدَهْ فَايْدَةْ دَا، أَنَا خَلَّيْتَهْ مِنِّي وَ جَعَلْتَهْ مِثِلْ شَيّءْ سَاكِتْ فِي شَانْ الْمَسِيحْ.