Popular Bible Verses from يُوحَنَّا 12

શેર કરો

كَنْ نَادُمْ يِدَوْر يَخْدِمْ لَيِّ، وَاجِبْ يِتَابِعْنِي. وَ فِي الْبَكَانْ الْأَنَا نَقْعُدْ فَوْقَهْ، خَدَّامِي كُلَ يَقْعُدْ فَوْقَهْ. وَ أَيِّ نَادُمْ الْيَخْدِمْ لَيِّ، أَبُويِ يِشَرِّفَهْ.

وَ أَيِّ نَادُمْ الْيِحِبّ حَيَاتَهْ يِوَدِّرْهَا. وَ الْيَكْرَهْ حَيَاتَهْ فِي الدُّنْيَا، يَلْقَى الْحَيَاةْ الْأَبَدِيَّةْ.

أَسْمَعَوْا نُقُولْ لَيْكُو الْحَقّ، كَنْ حَبَّةْ هَنَا تَيْرَابْ الْقَمَحْ مَا تَقَعْ فِي التُّرَابْ وَ مَا تُمُوتْ، هِي تَقْعُدْ حَبَّةْ وَاحِدَةْ بَسْ. وَ لَاكِنْ كَنْ هِي تُمُوتْ، تَلْدَ عِيَالْ كَتِيرْ.

أَنَا جِيتْ فِي الدُّنْيَا مِثِلْ نُورْ أَشَانْ أَيِّ نَادُمْ الْيِآمِنْ بَيِّ مَا يَقْعُدْ فِي الضَّلَامْ.

«كَنْ نَادُمْ يَسْمَعْ كَلَامِي وَ مَا يِتَابِعَهْ، أَنَا ذَاتِي مَا نِحَاكِمَهْ أَشَانْ أَنَا مَا جِيتْ لِنِحَاكِمْ نَاسْ الدُّنْيَا لَاكِنْ جِيتْ لِنِنَجِّي نَاسْ الدُّنْيَا.

وَ مَرْيَمْ جَاتْ وَ جَابَتْ نُصّ لِيتِرْ هَنَا عِطِرْ أَصْلِي وَ غَالِي بِلْحَيْن الْأُسْمَهْ نَارْدِينْ. وَ صَبَّتْ الْعِطِرْ فِي رِجِلَيْن عِيسَى وَ قَشَّتْهُمْ بِشَعَرْهَا. وَ رِيحَةْ الْعِطِرْ سَدَّتْ الْبَيْت مَرَّةْ وَاحِدْ.

وَ قَطَعَوْا فِرِعْ مِنْ نَخَلْ وَ مَشَوْا بَيَّهْ أَشَانْ يِلَاقُوهْ. وَ قَالَوْا بِحِسّ عَالِي: «الْحَمْدُ للّٰهْ! <مَبْرُوكْ لِلنَّادُمْ الْجَايِ بِأُسُمْ اللّٰهْ!> مَبْرُوكْ لِمَلِكْ إِسْرَائِيلْ!»

وَ عِيسَى رَدَّ لَيْهُمْ وَ قَالْ: «خَلَاصْ، الْوَكِتْ الْاللّٰهْ قَطَعَهْ لِإِبْن الْإِنْسَانْ تَمَّ. وَ هَسَّعْ اللّٰهْ يَرْفَعَهْ فِي مَجْدَهْ.