Popular Bible Verses from أفَسُس 6

શેર કરો

أَنِحْنَ مَا نِحَارُبُوا عَدُو مِنْ النَّاسْ. لَاكِنْ فِي الزَّمَنْ الْحَاضِرْ دَا، الدُّنْيَا قَاعِدَةْ فِي الضَّلَامْ وَ فِيَّهْ شَوَاطِينْ الْقَاعِدِينْ يَمُلْكُوهَا. وَ أَنِحْنَ قَاعِدِينْ نِحَارُبُوا حُكَّامْ وَ كُبَارَاتْ الشَّوَاطِينْ دَوْل، الْهُمَّنْ عَسْكَرْ إِبْلِيسْ الْقَاعِدِينْ فِي السَّمَاوَاتْ.

وَ خَلُّوا الرُّوحْ الْقُدُّوسْ يُقُودْكُو فِي صَلَاوَاتْكُو وَ أَسْأَلَوْا اللّٰهْ فِي كُلَّ وَكِتْ بِكُلَّ أَنْوَاعْ هَنَا دُعَا وَ طَلَبْ. وَ مِثِلْ دَا، أَقْعُدُوا وَاعِيِّينْ وَ أَنْكَرْبُوا فِي صَلَاوَاتْكُو وَ أَسْأَلَوْا اللّٰهْ لِكُلَّ الصَّالِحِينْ.

أَلْبَسَوْا سِلَاحْ اللّٰهْ الْكَامِلْ أَشَانْ تَقْعُدُوا بَيَّهْ ثَابْتِينْ وَ نَجَاضَةْ إِبْلِيسْ مَا تِنَّصِرْ فَوْقكُو.

أَشَانْ دَا بَسْ، أَلْبَسَوْا سِلَاحْ اللّٰهْ الْكَامِلْ أَشَانْ تَقْعُدُوا ثَابْتِينْ وَكِتْ إِبْلِيسْ يَهْجِمْكُو. وَ بَعَدْ كُلَّ الدُّوَاسْ يِكَمِّلْ، تَقْعُدُوا ثَابْتِينْ بَتَّانْ.

وَ زِيدُوا عَلَيْ السِّلَاحْ دَا الْإِيمَانْ وَ خَلِّي يَبْقَى لَيْكُو دَرَقَةْ. إِبْلِيسْ الشَّرِيرْ يِدَوْر يِزَرِّقْكُو بِنَشَاشِيبَهْ الْعِنْدُهُمْ فِي رَاسْهُمْ نَارْ وَ بِالْإِيمَانْ تَكْتُلُوا النِّيرَانْ دَوْل. وَ خَلِّي النَّجَاةْ تَبْقَى لَيْكُو طَاقِيَّةْ هِنْت حَرِبْ. وَ أَكُرْبُوا قَوِي كَلَامْ اللّٰهْ الْهُو مِثِلْ سَيْف هَنَا الرُّوحْ الْقُدُّوسْ.

أَشَانْ دَا، أَقْعُدُوا ثَابْتِينْ، صُلُبْكُو مَرْبُوطْ بِالْحَقّ. خَلِّي الْحَالْ الصَّالْحَةْ تَبْقَى لَيْكُو دِرِعْ قَوِي فِي صَدُرْكُو. أَبْقَوْا دَايْماً شَجِيعِينْ لِتِبَلُّغُوا بِشَارَةْ السَّلَامْ وَ دَا يَبْقَى لَيْكُو مِثِلْ نِعْلَيْ عَدِيلِينْ فِي رِجْلَيْكُو.

وَ آخِرْ شَيّءْ، أَبْقَوْا قَوِيِّينْ فِي عَلَاقِتْكُو مَعَ الرَّبّ وَ بِقُدُرْتَهْ الْعَظِيمَةْ.

مَكْتُوبْ فِي الْكِتَابْ: <كَرِّمْ أَمَّكْ وَ أَبُوكْ.> وَ مِنْ الْوَصَايَا، دِي بَسْ الْوَصِيَّةْ الْأَوَّلْ الْعِنْدَهَا وَعَدْ. وَ الْوَعَدْ هُو: <أَشَانْ تَلْقَى الْخَيْر وَ عُمْرَكْ يَبْقَى طَوِيلْ فِي الْأَرْض.>

أَسْمَعَوْا، يَا الْعِيَالْ، الرَّبّ يِدَوْر إِنْتُو تَسْمَعَوْا كَلَامْ وَالْدَيْنكُو. دَا بَسْ الْوَاجِبْ تِسَوُّوهْ.