Popular Bible Verses from أعمال الرُسُل 20

શેર કરો

وَ أَنَا دَايْماً وَصَّفْتُكُو بِالشَّيّءْ السَّوَّيْتَهْ فِي أُسُطْكُو كَدَرْ وَاجِبْ نَخْدُمُوا أَشَانْ نِعَاوُنُوا التَّعْبَانِينْ. وَ مَا وَاجِبْ نَنْسَوْا كَلَامْ رَبِّنَا عِيسَى وَكِتْ قَالْ: ‹فَرْحَةْ هَنَا الْبَنْطِي أَكْبَرْ مِنْ فَرْحَةْ هَنَا الْبِشِيلْ.›»

حَيَاتِي مَا مُهِمَّةْ لَيِّ. لَاكِنْ الْمُهِمّ لَيِّ نِكَمِّلْ خِدْمَةْ رَبِّنَا عِيسَى الْهُو أَنْطَاهَا لَيِّ. وَاجِبْ نَشْهَدْ لِلنَّاسْ وَ نِأَوْرِيهُمْ بِالْبِشَارَةْ هَنَا نِعْمَةْ اللّٰهْ.

«فَكُّرُوا فِي نُفُوسْكُو وَ فِي كُلَّ جَمَاعَةْ الْمُؤمِنِينْ هَنَا اللّٰهْ أَشَانْ الرُّوحْ الْقُدُّوسْ خَطَّاكُو فَوْقهُمْ رُعْيَانْ. أَيْوَى، أَسْرَحَوْا بِجَمَاعَةْ الْمُؤمِنِينْ الْاللّٰهْ شَرَاهُمْ بِدَمّ إِبْنَهْ.

«وَ هَسَّعْ نِأَمِّنْكُو لِلّٰهْ وَ لِكَلَامْ نِعْمَتَهْ الْكَلَّمْتُكُو بَيْهَا. أَشَانْ الْكَلَامْ دَا يَقْدَرْ يِقَوِّي إِيمَانْكُو. وَ بِالْكَلَامْ دَا، تَلْقَوْا الْوَرَثَةْ الْاللّٰهْ يَنْطِيهَا لِكُلَّ النَّاسْ الْخَاصِّيْن لَيَّهْ.