Popular Bible Verses from 2 كُرُنْتُس 4

શેર કરો

وَ مَا نُخُطُّوا بَالْنَا فِي شَيّءْ الْبِنْشَافْ. نُخُطُّوا بَالْنَا فِي شَيّءْ الْمَا بِنْشَافْ. أَشَانْ الْبِنْشَافْ يِكَمِّلْ وَ لَاكِنْ الْمَا بِنْشَافْ يَقْعُدْ إِلَى الْأَبَدْ.

أَشَانْ دَا أَبَداً مَا نَكْسَلَوْا. صَحِيحْ، جِسِمْنَا قَاعِدْ يُمُوتْ وَ لَاكِنْ الْحَيَاةْ الْجَدِيدَةْ قَاعِدَةْ تِزِيدْ فِي قُلُوبْنَا كُلِّ يَوْم. وَ التَّعَبْ الْعِنْدِنَا هَسَّعْ دَا، هُو خَفِيفْ وَ مَا يِطَوِّلْ. لَاكِنْ التَّعَبْ دَا يِجَهِّزْنَا لِلْمَجْد الْعَظِيمْ الْأَبَداً مَا يِكَمِّلْ.

أَنِحْنَ يِضَايُقُونَا فِي أَيِّ بَكَانْ لَاكِنْ مَا يِوَقُّفُونَا. وَ أَنِحْنَ مُتَحَيِّرِينْ لَاكِنْ مَا وَدَّرْنَا الْعَشَمْ. وَ النَّاسْ يِتَعُّبُونَا لَاكِنْ اللّٰهْ مَا يِخَلِّينَا. يَرْمُونَا لَاكِنْ مَا يِدَمُّرُونَا.

وَ الْبَرَكَةْ الْعِنْدِنَا دِي مِثِلْ دَهَبْ صَافِي الْقَاعِدْ فِي مَاعُونْ هَنَا طِينَةْ. وَ دَا يِوَصِّفْ كَدَرْ الْقُدْرَةْ الْعَجِيبَةْ النَّخْدُمُوا بَيْهَا، هِي مِنْ اللّٰهْ بَسْ وَ مَا مِنِّنَا أَنِحْنَ.

النَّاسْ الْمَا مُؤمِنِينْ دَوْل قُلُوبْهُمْ عَمْيَانِينْ أَشَانْ إِبْلِيسْ عِنْدَهْ سُلْطَةْ فِي الدُّنْيَا دِي وَ هُو عَمَاهُمْ. هُو يِدَوْر يَدْحَرْهُمْ مَا يِشِيفُوا النُّورْ الْمَجِيدْ هَنَا الْمَسِيحْ النِّبَلُّغُوا بَيَّهْ الْبِشَارَةْ. الْمَسِيحْ هُو صُورَةْ اللّٰهْ.

وَ زَمَانْ اللّٰهْ قَالْ: «خَلِّي النُّورْ يِضَوِّي فِي أُسْط الضَّلَامْ.» وَ هُو بَسْ النَّوَّرْ قُلُوبْنَا أَشَانْ نَعَرْفُوا نُورْ اللّٰهْ الْمَجِيدْ الْقَاعِدْ فِي وِجِهْ عِيسَى الْمَسِيحْ.