Lomaŋ 8 માંથી લોકપ્રિય બાઇબલ વચનો

શેર કરો

Ku gɔ́lɔŋ a gɛ́ɛ diai dí Ɣâla wɛli ni mɛni kélee a kɛ̂ gîe ma a ǹɛ́lɛɛ dímɛni ma, nyíi-ŋai e dítoli yɛ̂ɛ berei ŋɔsapoi káa lai.

Kpɛ́ni fêi, ńaâi la a gɛ́ɛ saa, kpaa máŋ fulu-laa, kpaa Ɣâla-taa-kela, kpaa nuu-mɛi-ƃela, kpaa máŋ zãâi kwa díkaâi da nyíi-ŋai pâi pâi, kpaa máŋ wála-wala-laa-ŋa, mɛi-pere, kpaa máŋ mu-pere, kpaa máŋ ŋ̀éniɛi-su-sɛŋ kélee, fe pâi pɔ̂rii kúkulâi Ɣâla ŋɔwɛli kɛ́-maai ma Kúnuu-namui Zîsɛ Kôrai sârai.

Bere nɔ́ ƃe M̀ɔlêŋ a kpɔŋ la kûa kúfii-kpɛɛi su; kpɛ́ni fêi, kúfe Ɣâla fɛli-pere kɔlɔŋ yɛ̂ɛ berei fɛ̂ɛ ku vɛli lai. Kɛ́lɛ, M̀ɔlêŋ ǹyaa kpîŋ a tɔ̂ɔ kúmɛni ma. A Ɣâla fɛ̀li kúmɛni ma kúwɔlɔ-Ɣala-mai sârai nyíi kúfa pɔ̂ri lônoi la a lono-wooi.

Lé ŋaŋ ƃe kwa pâi m̀ôi e pîlaŋ nyíŋi ma? À kɛ̀ Ɣâla káa kúmɛni ma, gɛ̀ ní gbɛ̂ɛ ƃe dɔɔ̂i kûa?

Mɛni ma diai díkaa Zîsɛ Kôrai kponôi dífe pâi nâa tɔ̂ŋ pûi dîa.

Ǹyaŋ núu kíli puɔɔ gbîŋ-tua-perei ma káa a saa, kɛ́lɛ, núu kíli puɔɔ M̀ɔlêŋ ma káa a fulu-laa da lii-sêe.

Kpao, nyíi-ŋai kélee su kútɛɛ̂i yee-tɛɛ maa-ƃela dîa kúwɛli-kɛ-maa-nuui sârai.

Ǹáâi la a gɛ́ɛ lonii-ma mɛni-solii fe máŋ a sɛŋ ku gɔ́ɔ̂ŋ volo-laai ma nyíi pâi lɛ̂i kûai.

Gbɛ̂ɛ ƃa pɔ̂ri kúkulâi Kôrai ŋɔwɛli kɛ́-maai ma? A pâi kɛ̂i a mɛni-kpɔ̂lu, kpaaŋ, kpɔara, kpaa máŋ puru, seɣe-saa-maa, kpaa máŋ núu kɛ́ɛ saa-wolo lá, kpaa máŋ ƃóa-sɔkpɔ?

Ǹúui a núu-kpune líi su kɔ̀ri, e M̀ɔlêŋ ŋɔkili-ŋa-siai kɔlɔŋ, kpɛ́ni fêi, M̀ɔlêŋ a tɔ̂ɔ Ŋ̀âla-ƃelai mɛni ma yɛ̂ɛ berei Ɣâla nîa-mɛni káa lai.

Kpɛ́ni fêi, diai kélee Ɣâla Ŋɔmɔ̂leŋ a tɔ̂ɔ dítuɛi díkaa a Ɣâla-lonii.

Kpɛ́ni fêi, diai da sîa a díkpîŋ-tua-perei da díkili pù díkpîŋ-tua-perei su-sãâi dîa, kɛ́lɛ, diai da sîa a M̀ɔlêŋ ŋɔperei da díkili pu M̀ɔlêŋ ŋɔsãâi dîa.

Ǹúui nyíi ve gbîŋ-Loŋ malôŋ káa ni, kɛ́lɛ, e dɛɛ kúkelee kúmɛni mai, ve pâi máŋ sɛŋ kélee tɛɛ̂i kúpɔ e pɛlɛ mà?

M̀ɔlêŋ kpîŋ da kúmɔ̂leŋ da sere-faa kɛ̀ a gɛ́ɛ kúkaa a Ɣâla-lonii. À kɛ̀ ǹyaŋ kúkaa a ǹônii, kúkaa a pɔɔ-sɛŋ-namela, nya ƃa kwa Kôrai-ni kúkaa a Ɣâla ŋɔpɔɔ-sɛŋ-namela, à kɛ̀ kwà dîa-ni kwà mɛni-soli kàa, a gɛ́ɛ kwà dîa-ni kúfolo-laai maa é tɛ́.

Kpɛ́ni fêi, gili-kɛ-maai gáa núu kpîŋ-tua-perei mɛni mai gáa a Ɣâla kpɔaraa; va lɔ̂ Ɣâla ŋɔtɔ̂ŋ mu, tɔ̃yâ ma va pɔ̂ri kɛ̂i

Ŋ̀éniɛi a maa-kpɛŋ kɛ̂i a ǹíi a zu kôya Ŋ̀âla-lonii-ŋai kula-mɛni ma

Ku gɔ́lɔŋ a gɛ́ɛ ŋ̀éniɛi kélee káa wɔ́lɔ nyíɣɛ da mɛni-kpɔ̂lu su e seri sâa ma