Lomaŋ 4 માંથી લોકપ્રિય બાઇબલ વચનો

શેર કરો

Ŋɔlaa-lai su fé wɔ́lɔ saa ní Ɣâla ŋɔkono-teei mɛni ma. Kɛ́lɛ, ŋɔlaa-lai è ƃɔ̀lɔ zu é kpanaŋ, gɛ́ Ɣâla láa maa tɛ. È kɛ̀ a gɔ́lɔŋɔɔ kpɔ́ a ǹɛ́lɛɛ a gɛ́ɛ m̀ɛnii Ɣâla è góno tèe lai, pɔ̂ri káa mì é gɛ́.

yɛ̂ɛ berei Ŋ̀âla-kɔlɔi a m̀o lai, “Ŋa íkɛ a lɔii támaa su-ƃela dínâŋ.” Eberaɣɛ̃ɛ è kɛ̀ a lɔii támaa su-ƃela dínâŋ Ɣâla ŋɛ́i, nyíi è làa lai, da nyíi a fúlu-laa tɛ̀ɛ saa-ƃela pɔ́, gɛ́ sɛŋ kélee kpɛtɛ nyíi-ŋai dífe kpɛtɛ níi.

nyíi dí bàa kútɔ̂ŋ karaai mɛni ma é m̀u siɣe saa yêei a gɛ́ɛ é kúkɛ a tɔ̃yâ-ƃelai.

Ɣâla kɛ́ɛ a gono tée Eberaɣɛ̃ɛ yêei a gɛ́ɛ a pâi kɛ̂i a lɔii-ŋuŋ támaa su-ƃela dínâŋ, Eberaɣɛ̃ɛ è làa la berei máŋ naa kpanaŋɔɔ̂i la núu é láa a gono-tee sii ŋí, yɛ̂ɛ berei Ɣâla è mò la ma ǹyɛɛi, “Ísuui su-ƃelai da pâi támâi yɛ̂ɛ bɛmɛlɛŋ-kao-ŋa díkaa ŋ̀elei sui.”

M̀ɛni ƃé m̀ɛnii kélee sɛ̂lɛŋɔɔi la laa-la ma a gɛ́ɛ Ɣâla ŋɔkono-teei é kɛ́ a ƃɛlɛ-sêe mɛni kpanaŋɔɔ Eberaɣɛ̃ɛ ŋɔsuui su-ƃelai kélee mɛni ma. Díai dɔ̂ŋ mui dia nɔ́ fêi, kɛ́lɛ, diai Eberaɣɛ̃ɛ ŋɔlaa-lai káa díyêei máŋ, kpɛ́ni fêi, ǹyaa ƃé gáa a kúkelee kúnâŋ

“Lûwa káa diai dîa Ɣâla a dísu-mɛni lɛ̀ɛ dísɔnyɔ̂ŋ-ŋai mɛni ma é nia maa sɔnyɔ̂ŋ-ŋai kpîŋ mɛni mai! Lûwa káa ǹúui ma Kúnuu-namui fa ŋɔsɔnyɔ̂ŋ siɣe a zɔŋ.”

Lé ƃé Ŋ̀âla-kɔlɔi a mò? “Eberaɣɛ̃ɛ è làa a Ɣâla, ǹyaŋ Ɣâla e ŋɔlaa-lai siɣe a tɔ̃yâ laa-la.”