Lomaŋ 10 માંથી લોકપ્રિય બાઇબલ વચનો

શેર કરો

kpɛ́ni fêi, à kɛ̀ yà mò íla a gɛ́ɛ Zîsɛ káa a Kúnuu-namui, í laa la ílii su a gɛ́ɛ Ɣâla e mu siɣe saa yêei, gɛ̀ ní ya pâi ƃálôi.

Kpɛ́ni fêi, laa-la káa núu líi su, à kɛ̀ ti gɛ̀ ní da maa-nuui ti tòli a tɔ̃yâ-nuu, ǹyaŋ à maa-mɛni kùla ǹá à mò, gɛ̀ ní a ƃálo.

Mɛni ma laa-la a pâ a mɛnii núu a mɛ̀nii, ǹyaŋ mɛnii núu a mɛ̀nii, Kôrai maa-tuŋ lɛ́lɛɛi ƃa pâ la.

Ŋ̀âla-kɔlɔi a mò, nyɛɛ, “Ǹúui kélee a lâa lai ve pâi ŋumɛ̂i.” Kpɛ́ni fêi, Zûu-ŋai da Gurii-ŋai díŋa fe kɔlɛ ni. Nuu-namu tɔnɔi káa a núu kélee Namu, ǹyaŋ e ŋɔtɔɔ-laai tɛɛ diai kélee pɔ da ǹáa tolii. Kpɛ́ni fêi, “ǹúui kélee a Kúnuu-namui láa tòlii, a pâi ƃálôi.”

Ǹyaŋ nûa da Ɣâla-woo ƃò leŋ, à kɛ̀ dífe dítɛɛ ni? Yɛ̂ɛ berei bɔ̃yɛɛ̂i lai, “Diai da Duŋ Lɛ́lɛɛi taa-taai dítuɛ ponoɔ̂i!”

Kɛ́lɛ, núu-kpune a pɔ̂ri Kúnuu-namui láa tólîi leŋ nyíi dífe niî láa ni lai? Ǹyaŋ da pɔ̂ri lâai leŋ a Kúnuu-namui nyíi dífe niî maa-mɛni mɛni níi? Da maa-mɛni mɛ̀ni leŋ Ɣâla-woo ƃo-nuu ŋɛi pôlu?

Kpɛ́ni fêi, Kôrai káa a dɔ̂ŋ kpɛɛ ŋá a gɛ́ɛ diai kélee laa-la káa díyêei dí dítoli a tɔ̃yâ-ƃela.