Éxodo 32 માંથી લોકપ્રિય બાઇબલ વચનો

શેર કરો

Tej tcyil xjal mintz'ininxtok cubil Moisés, baj cychmon cyib ti'jele Aarón, ex xi cyma'n te cyja': —Chuxa, binchame junjun kdiose tu'n cycub nej kwitze. Minti' ba'n ku'ne ti ma baj ti'j Moisés aju etz k'inte keye tuj Ejipt, che chi.

Tzajtzun tma'n Kman te Moisés cyja': —Chux tcu'xa, porque ke t-xjalila, akeju e je'tz ti'na tuj Ejipt, ma che binchan il; jurat naj ma tz'el cypa'n cyib ti'j be xi nma'ne cye. Ma cub cybincha'n jun tilbilal tal tor k'an pwak ttx'otx'il ex lu ke in che c'ulun twitz, in cub cyk'o'n oyaj twitz ex in cyma'n cyja': Akeye aj Israel, lu kdios lu aju etz k'inte ke tuj Ejipt, che chi.

Tej tque'yinte Aarón jlu, jaw tbincha'n jun altar twitz tilbilal tal tor, ex xi tma'n tkanil lu: Nchi'j cub ic'set nink'ij te nimbil te Kman, chi Aarón. Tujtzun juntl k'ij, junya'x e jaw we', xi cyk'o'n oyaj patun in che cub ex oyaj te mojbabl tibil, ex e cub ke' wa'l ex c'al. Te tibajxi e oc ten bixal.

Tuj juntl k'ij xi tma'n Moisés cye xjal: Ma cybinchaye jun il ma'xix. Ja'lo chin jawixe tuc'il Kman, balo ka jacu chewix tc'u'j wu'ne, tu'n tcub tnajsa'n cyile, chi Moisés.