Éxodo 20 માંથી લોકપ્રિય બાઇબલ વચનો

શેર કરો

Akine Cymane ex Cydiose aju etz k'inte cyeye tuj tx'otx' Ejipt jatum ate'toke te majen. Mi'n che c'ulune cywitz junxitl dios, o'cx nwitze tu'n cyc'ulune.

Mi'n cub cybincha'ne jun tilbilal; mi jun tilbilal ti'j ju at twitz cya'j, mi jun tilbilal ti'j ju at twitz tx'otx' ex mi jun tilbilal ti'j ju at tuj mar. Mi'n che cub ẍmeje'ye cywitz ex mi'n che c'ulune cywitz, porque akine Cymane ex Cydiose, ex minti' in cub tuj nwitze tu'n cyc'ulune twitz juntl dios. Cpol canun castiw wu'ne cyibaj ke c'wa'lbaj, ke tal chmambaj ex ke cyxca chmambaj tu'n tlaj in chin el ic'une cyu'n cyman

Cynimanxe cymane ex cytxu'ye tu'ntzun t-xi lak'e' tuj cyk'ije twitz tx'otx' aju cxel nk'o'ne cyeye, akine Cymane ex Cydiose.

Cyna'ntze aju k'ij te ojlabl tu'n tajben o'cx te weye.

Mi'n tzaj cyna'ne nbiye nokx gan, akine Cymane ex Cydiose, porque cbel tcastiw xjal wu'ne, aju in tzaj na'nte nbiye nokx gan.

Kak k'ij che ak'nale, ex cbantel tcyakil cyak'une, atzunju twukin k'ij, k'ij te ojlabl tu'n cyc'ulune weye, akine Cymane ex Cydiose. Mi jun ak'untl cbantel cyu'ne tuj k'ij lu. Mi jun cycy'ajale ex mi jun cyme'jele c'ak'nal tuj k'ij lu, mi jun cymajene xinak, mi jun cymajene xu'j, mi jun cyalune ex mi jun stranjer xjal at tuj cytanmiye.

Mi'n pon cyc'u'je ti'j tja cyuc'ile; mi'n pon cyc'u'je ti'j t-xu'jil cyuc'ile, mi ti'j tmajen xinak, mi ti'j tmajen xu'j, mi ti'j twacẍ, mi ti'j tbur, ex mi ti'j jun ti'xti at te.

Mi'n che nic'ane yol cyi'j cyuc'ile.

Mi'n cybinchaye aj pajil.

Mi'n che biyune.

Mi'n che elk'ane.