ex xi cyma'n cye cyja':
—Maswitlo ba'n nokwit o ko cyime tu'n Kman tuj tx'otx' Ejipt, tej in ko cub ke'toke wa'l cyxol kc'ile nojnitok ke tu'n chibj, tej in ko nojxixtoke wen tu'n wabj. Atzun cyeye, ma ko tzaj cyi'ne tuj tzkij tx'otx' lu tu'n kcyime kcyakile tu'n we'yaj, che chi.
Tzajtzun tma'n Kman te Moisés cyja':
—Ctzajel nchitune wabj twitz cya'j, atzun cye xjal che eletz chmolte te cycyakil k'ij, pero o'cx cywa aju in baj te jun k'ij cjawil cychmo'n, tu'ntzun cyoc tuj malbil wu'ne, ka cxel cyniman nyole ex ka mi'n.