Éxodo 12 માંથી લોકપ્રિય બાઇબલ વચનો

શેર કરો

Tujxtzun konic'an lu chin ic'ele tuj tcyakil tx'otx' Ejipt, che bel nbyo'ne ke nej c'wa'lbaj xinak tuj cyja teyle junjun aj Ejipt, ax icx ke tnejel cyal alumaj; ex cbel nk'o'ne cysentens cycyakil cydios aj Ejipt, akine Cymane. Aju chic' otok tz'oc cysu'ne ti'j tmarquil tlamel cyjaye c'ajbel te jun techal cyi'j ke ja jatum ate'ye. Octzun toc nque'yine chic', tkanx chin ic'el bete, ex mi a'l jun cyeye cymel tu'n c'ixbisabl oc cycyim ke tnejel cycy'ajal aj Ejipt wu'ne.

Ctzajel cyna'ne k'ij lu ex cbel cyic'sa'ne te nink'ij te nimbil weye, akine Cymane. Cucx cbel cyic'sa'ne te jumajx, ex wikinwik cyjel cyma'ne cye cyc'wa'le.

Oc ttzaj cykanin cyc'wa'le cyeye: ¿Ti t-xilen aju in cybincha'ne lu?, ka che chi, cxeltzun cytzak'we'ne cyja': Aju tal alumaj lu in cub byet tu'n ttzaj na't Xjan K'ij te Kman. Tej cyc'ixbiset aj Ejipt tu'n camic, tkanx ic' bet Kman ttzi kjaye tuj Ejipt, ako' aj Israel, ex cyja'tzun o ko clete, che chicuye cye cyc'wa'le, chi Moisés cye. Cubtzun moc'e' cywi' aj Israel, ex e c'ulun te Kman.