Matiyo 7 માંથી લોકપ્રિય બાઇબલ વચનો

શેર કરો

Sɛ Yesu ju dʋɔ tawɩ sɛ, <<N tasɛ Ɩsʋɔ na wʋ a fa amɩɛ, n ja na ɩ na. N jɔ ɩ bʋɔlɛ na wʋ a tʋlʋ amɩɛ.

Akala takɩɛ wʋkʋma wʋŋ wʋ tasɛ Ɩsʋɔ na, wʋ a fa ɩ. Wʋŋ wʋ a jawʋ na, wʋ a na. Dɩmʋŋ sɛ wʋŋ wʋ a jɔ ɩ bʋɔlɛ na, wʋ a tʋlʋ ɩ.>>

Sɛ Yesu ju dʋɔ tawɩ sɛ, <<Dɩmʋŋ dʋɔ, wʋkʋma wʋŋ wʋ a nyii ma wɩɛ ŋina sɛ wʋ a di ŋɩ dʋɔ na kɩɛna bɛ takɩɛ baalɛ wɩɛ jɩmɩrɛ wʋŋ wʋ ma wʋ danɛ jaga bʋɛ dʋɔ.

Dɩmʋŋ dʋɔ bʋrʋkʋma naŋ na, n yɩɛ fa amɩɛ dɔŋa takɩɛ ganaŋkʋ ɩ ja sɛ ba n yɩɛ fa amɩɛ na. Ŋina n nyina Mosesi mbara na Ɩsʋɔ bajana baa kalaa ŋii.

Ama buonɔ pii na gbɩɛ mɔmɔkyɩ aaŋ ju nkpa naŋ. Dɩmʋŋ dʋɔ bakpa pii barɛ aaŋ na ga baa mʋna.>>

Sɛ Yesu tawɩ sɛ, <<N mʋna buonɔ mɔmɔkyɩ gaa naŋ. Akala takɩɛ buonɔ ga yalagisa na gbɩɛ ga yalagisa aaŋ ju dɩwarɩɛ naŋ. Dɩmʋŋ dʋɔ bakpa fɔɩ aaŋ mʋna ga baa jʋʋ.

Amɩɛ baa ɩ yɩɛ dɩsʋbʋ yɩɛra na gba jiŋ ganaŋkʋ ɩ mʋ abʋrɩ abama ɩ fa amɩɛ bie, be n yɩɛ sɛ amɩɛ Juo wʋŋ wʋ wɩɛ Ɩsʋɔ adugbe na baa mʋ abʋrɩ abama fa baa baa tasɛ ɩ naa?>>

Sɛ Yesu tawɩ sɛ, <<N baa fu dɩpʋɛ na Ɩsʋɔ gba n baa fu amɩɛ dɩpʋɛ. Akala takɩɛ ganaŋkʋ ɩ di wʋrʋ wɩɛ na, dɩmʋŋ sɛ Ɩsʋɔ a ja di amɩɛ wɩɛ. Mudu gaa ɩ mʋ kalaa bʋrʋ darɛ fa wʋrʋ na, gaa sɛ Ɩsʋɔ gba aja wʋ a mʋ kalaa fa amɩɛ.>>

Ama wʋkʋma wʋŋ wʋ a nyii ma wɩɛ ŋina, sɛ wʋ aa di ŋɩ dʋɔ na kɩɛna bɛ takɩɛ baalɛ wʋmalaŋpʋ wʋŋ wʋ ma wʋ danɛ jaga tɩɛra dʋɔ.

<<Be n yɩɛ sɛ nyaa kɩɛ kabie gaa ga jagaɩ n dɩɛtɛ dɩsɛ dʋɔ, ama dakpie gaa ga jagaɩ n tɩŋtɩŋ n dɩsɛ dʋɔ na bɩrɛ, nyaa na a? Sɩnɛ sɛ nyaa dɩlɛ tawɩ n dɩɛtɛ sɛ, <Yela na maa lɩsɛ kabie gaa ga jagaɩ n dɩsɛ dʋɔ,> yela dakpie jagaɩ n tɩŋtɩŋ n dɩsɛ dʋɔ?

Sɛ Yesu ju dʋɔ tawɩ sɛ, <<N kɩɛ amɩɛ wʋsɛ dʋɔ na dieli akarɩɛ bajana dʋɔ. Baa kɔŋ amɩɛ jaŋ takɩɛ feŋ, ama ba tɩba bɩrɛ ba kɩɛna bɛ takɩɛ gbogboo aba baa ba libi na. Ba ayɩɛsa sɛ ɩ mʋ jiŋ ba. Bakpa a kɔ ponponsi bie lɩɩ sɔba daŋ dʋɔ yaa dikutu lɩɩ didiŋpo daŋ dʋɔ?

Dɩmʋŋ sɛ daŋ bam kʋma a si bie abama, sɛ daŋ sʋbʋ kʋma dʋɔ a si bie asʋbʋɛ.

Daŋ bam baa dɩlɛ si bie asʋbʋɛ ɛ, sɛ daŋ sʋbʋ dʋɔ baa dɩlɛ si bie abama a.

Daŋ kʋma gaa gaa si bie abama na, baa wʋŋ ga bɛ lɔ na baa mʋ ga dʋ bʋala naŋ.