Matiyo 19 માંથી લોકપ્રિય બાઇબલ વચનો

શેર કરો

Sɛ Yesu kɩɛ ba sɛ wʋ tawɩ sɛ, <<Wʋkpa jaŋ bɩrɛ, ŋina baa dɩlɛ yɩɛ ɛ, ama Ɩsʋɔ bɩrɛ, wʋ a dɩlɛ yɩɛ bʋrʋkʋma.>>

Dɩmʋŋ dʋɔ ba ba ti yɩɛ bakpa bala a, ama wʋdʋŋdʋlʋŋ. Ŋina dʋɔ, ŋii Ɩsʋɔ bʋga na, wʋrʋ n baa kpara tɩba.>>

Sɛ Yesu lɩsɛ ba nʋɔ sɛ, <<Ɩŋ karaŋ Ɩsʋɔ Wɩɛ naŋ, lɩɩ dulunya dɩfaratɩŋ sɛ Ɩsʋɔ lɔ ba baalɛ na alʋ,>> sɛ Ɩsʋɔ tawɩ sɛ, <<Ŋina dʋɔ, baalɛ aja yela wʋjuo na wʋnaa na wʋ na wʋ alʋ baa ga cha bʋga, na baa bala baa yɩɛ wʋsɛ tanɛ gadʋŋdʋlʋŋ.

Sɛ Yesu tawɩ ba sɛ, <<N yela na bachaasɛ bisi a kɔŋ ma jaŋ, ama n baa gaa ba gbɩɛ. Akala takɩɛ Ɩsʋɔ Juori gaa yɩɛ baa ba kɩɛna dɩmʋŋ na teri bɛ.>>

Ama fɔɩ baa ba yɩɛ asanaŋtina na aja yɩɛ wʋrʋgbɩɛtina na fɔɩ baa ba yɩɛ wʋrʋgbɩɛtina na a yɩɛ asanaŋtina.>>

Wʋkʋma wʋŋ wʋ a yela waasɛ yaa nabie yaa diesina yaa juo yaa naa, yaa bie yaa fʋɔsɛ ma dʋɔ na, aja yu ŋɛ gbɩɛta gafie dʋɔ fɔɩ na wʋ a ti yu nkpa ŋii ŋɩ taŋ gɩtɛ.

Sɛ Yesu lɩsɛ ɩ nʋɔ sɛ, <<Nyaa ja sɛ nyaa yɩɛ kʋrʋkʋrʋ na, ju ga yaa nya akpaŋta na nyaa mʋ aterembie ŋii ga fa ayɔŋtina, na nyaa yu akpaŋta Ɩsʋɔ adugbe. Na nyaa gaa kpaŋ maŋ.>>

Sɛ Yesu lɩsɛ ɩ nʋɔ sɛ, <<Be n yɩɛ sɛ nyaa tasɛ maŋ dɩbam wɩɛ? Wʋdʋŋdʋlʋŋ n nyina wʋbam. Nyaa ja nyaa yu nkpa ŋii ŋɩ taŋ gɩtɛ na, kpaŋ mbara ŋii dʋɔ.>>

Ma ti maa tawɩ amɩɛ sɛ aja fʋ fa nyɔma na wʋ a mʋna dɩkparɛ bʋɔ naŋ, ama aja yɩɛ wiliŋ fa akpaŋtatɛ na wʋ a jʋʋ Ɩsʋɔ Juori gaa naŋ.>>

Maa tawɩ amɩɛ sɛ baalɛ kʋma wʋŋ wʋ yela wʋ alʋ sɛ ŋɩ ba yɩɛ baalɛ wʋrʋgbɩɛ lɩɩ, sɛ wʋ saa alʋ fɔlɛ na yɩɛ alʋ wʋrʋgbɩɛ lɩɩ.>>

Sɛ Yesu tawɩ wʋ kpalɛnara baa sɛ, <<Maa tawɩ sɛ n nyii na dieli sɛ aja yɩɛ doŋ fa akpaŋtatɛ na wʋ a jʋʋ Ɩsʋɔ Juori gaa naŋ.