Popular Bible Verses from Mateo 10

શેર કરો

Jesús ĩnemowĩ: “Tʉomasĩña. Mʉjãrẽ cuwioro watoapʉ ovejare macãrʉ̃cʉ̃ macãrã diayʉwa watoapʉ ticogʉra abiro basoca ñañarã watoapʉ ticogʉ ya. Tairo tira ãña boyerara abiro ñurõ tʉomasĩña. Buri buaroa tirora abiro cʉ̃jã watoapʉre ñañarẽ tiro manirõ nirẽcʉtiya.

Yʉre wedewõrẽ wapamena cʉ̃rẽ ñañarõ tiñerõcã cʉ̃ye catirere atiditapʉre camewitiruganigʉ̃ ‘cʉ̃rẽ yʉ masĩheri’ ĩgʉ̃no catire petiherere diogʉagawi. Buri ãpĩpe cʉ̃rẽ ñañarõ ticapetacãrã yʉre wedewõduro manirõ ‘yʉ cʉ̃rẽ masĩ’ ĩrẽ wapamena cʉ̃ye catirere atiditapʉre diogʉ eagʉno catire petiherere cʉogʉagawi.

Mʉjãrẽ sĩãrugaranorẽ cuiherimocãña. Cʉ̃jã mʉjãya ũpʉ̃rĩ wadore sĩãmasĩwã. Buri mʉjãya yeripũnarĩpere sĩãmasĩherigawa. Manigʉ̃ docare cuiya. Cʉ̃ doca mʉjãya yeripũnarĩrẽ, mʉjãya ũpʉ̃rĩpʉrena pecamepʉ cõãmasĩgawi.

Ĩcʉ̃no curusapʉ sĩãyoacʉra abiro yʉre quetature wapa ‘basoca ñañarõ ti sĩãcõãbogawa’ ĩnigʉ̃ cʉ̃ya curusare apahegʉra yʉre quetatugʉno yʉre quetaturibasocʉ nimasĩherigawi.

”Nobogʉra basoca tʉocoropʉ ‘Yʉ Jesucristore wedewõgʉ̃ ña’ ĩgʉ̃norẽ tairora yʉcã yʉpacʉ ʉmʉãwesepʉ nigʉ̃ ĩñacoropʉ cʉ̃rẽ ‘Cʉ̃ yʉre wedewõgʉ̃rã ñawĩ’ ĩgʉacu. Buri nobogʉra yʉre masĩcapeicãrã basoca tʉocoropʉ ‘Yʉ Jesucristore wedewõgʉ̃merã ña’ ĩgʉ̃norẽ tairora yʉcã yʉpacʉ ʉmʉãwesepʉ nigʉ̃ ĩñacoropʉ cʉ̃rẽ ‘Cʉ̃ yʉre wedewõgʉ̃merã ñawĩ’ ĩgʉacu.

Diarecʉtirare ñujeañerõcã tiya. Cõwõãriarare masõña. Cami boare cʉorare ñujeañerõcã tiya. Basocapʉre wãtĩa sãriarare cõãwiocoya. Ya tutuarere yʉcã mʉjãrẽ wapamanirõ nʉniãriarora abiro mʉjãcã cʉ̃jãrẽ wapamanirõ ñujeañerõcã tiya.

Tairo tira ñañarõ tirugarare cuiherimocãña. Mʉjã Manigʉ̃cã ĩñacorore pajʉ miniã metãrãgãsotoape wapacʉticametʉanʉcãrã ña.

”Mʉjã yʉre ‘Atiditapʉre ñurõ yerisãrẽmena came nirẽcʉtiñerõcã tirere neãtigʉ watiyi’ ĩ wãcũherimocãña. Tiere neãtigʉmerã tiwʉ. Buripe yʉre wedewõrãmena, yʉre wedewõheramena camequẽrẽpere neãtigʉ tiwʉ.