Popular Bible Verses from Maluko 6

શેર કરો

Yesu wadaakambila, “Tiyeni ife tekha pamalo yapo palibe wandhu, kuti tikapumulile pang'ono.” Wadakamba chimwecho ndande kudali ni wandhu ambili kupunda yawo amajha pamenepo ni kuchoka, mbaka Yesu ni oyaluzidwa wake siamakhoze kupata ndhawi ya kudya chakudya ndande ya kwatumikila.

Yesu wadaakambila, “Alosi alemekezedwa kumalo konjhe, nambho saalemekezedwa ni wandhu amnyumba zawo, ni mmijhi yawo ni kwa achaabale wao.”

Yesu yapo wadachika mboti, wadaliona gulu lalikulu la wandhu, wadaalengela lisungu ndande adali ngati mbelele zilibe owesa. Chimwecho wadayamba kwayaluza vindhu vambili.

Yesu siwadafune kuchita vodabwicha kumeneko, nambho wadaaikila manja odwala ochepa ni kwalamicha. Yesu wadazizwa kupunda ndande ya kosakhulupilile kwawo. Yesu wamaviyendela vijhivjhi vapafupi ni pajha, niwaayaluza wandhu.

Ndiipo, Yesu wadayatenga yajha mabumunda yasano ni zijha njhomba ziwili, wadapenya kumwamba, wadamuyamika Mnungu, ndiipo wadayadula yajha mabumunda. Wadaapacha oyaluzidwa wake kuti wagawile wandhu. Chinchijha wadagawila wandhu zijha njhomba ziwili. Wandhu wonjhe adadya ni kukhuta. Ndiipo oyaluzidwa wake adatondola vidufya va mabumunda ni njhomba ivo vidakhalila, ni adajhaza miseche khumi ni iwili.