Popular Bible Verses from Dadatika Maxaafa 17

શેર કરો

Mageni Abiraami 99 wogga geyee wodda iso'n leelleexxi isoo hiyyee qici, «Ani Elishaadayi duuchchinxa dande'annoke Magenoni; ani edo mammaremi ci'mema bellonna hedhe.

Heddo gosa gosake anna atee assannaxxee telchinni elqi'a summa atik Abiraami hiyyema gatteexxi Abirihaam kadaan.

Ani ati'a, atibaa uduma atixxe horte'a ilatenaa'n ilati qici'a duuchchi wodddixxa kako aagannon; konnee qici atikennaa ati udumanna atixxe horteke Mageno kadannon.

«Kunnise ani ati'a aagaannexxi kako heddo gosa gosake anna kaddattoxxen.

Duuchchi Woddik Goottinna hiyyee qici: «Eloxxe, kadduun; yaane kinni are atinxe Saara labba belto ati'a ildaan; summa beltinkanna Yisaaqi hite fulchittaton. Aninna isi uduma duuchchi woddi'a isixxe horte'a kaddaaxxa kako isi'a aagannon

Ta'a ati konnee keessummumma hexxetteka Kenaanika boga duuchcha ati'a, atiba udumanna atixxe horte'a duuchchi woddi'a qadaada kado'a uwwannon; insa'neke Magenonna kadannon.»

Abirihaaminna albik butta gonbiseme oso'lan godobi giddo, «Dhibba wogga manji dande'e finna i'laas? Saaranata sallane tomme wogga'n hitta finna ila dandeettata» hiyye.

Mageni Abirihaamii hiyyee qici, «Edi'a Soora'a atixxe areka summa Soora hite yexxoxxe; telchinni uduma summi isek Saara kadaan.

Tennexxe labbak ha'nok manji duuchchi jila ofo'laan; tinni jila ofo'lanna ha'noxxenna anxe oddo'n hexxeexxe kakoke beesisa kadaan.

Yaane kinni anxa kako daggaaxxa wogga iitteexxa yanna Saara ati'a ildaake Yisaaqi'a aagannon» hiyye.

Daggaaxxe ila ila'n ha'nooxxi labbaxxa oose duuchcha ilendeexxe saddeettixxe barra'n jila ofo'ldowwaal; iitanni mine atiba ilemeekinnaa gadhii'n maallaqik hiremeek alagi duuchchinna jila ofo'lowwaal. Atiba mine ileekenna kadi atike maallaqinni hireemmek duuchchi jila ofo'lowwaal; biso ha'nooke'n kaddaaxxi tinni anxi kako duuchchi woddixxe kako kaddaan.