نامَه دوّم تِسالونیکِنیا 2 માંથી લોકપ્રિય બાઇબલ વચનો

مَهِری هِسکَه وَ هیچ رَکَمی گول تُبِزاد. اَسِی که آن رازا نِدا، مَ اِکِه اوّل شورش وَ ضد خدا اتفاک بِفتِه، و آن مرد بی‌دینا، که پُسِ هلاکَتِه آشکار بِبِه.

ولی اَی کاکَئِی که عزیز خداوند هی، اَما باید همیشَه خدائا وَخاطر شما شکر بِکنِم، اَسِی که خدا اُ شما چُنِ ثَمَرَهِ اوّل انتخاب اُشکِه تَ نجات پیدا بِکنی، از طریق مکدّس بُدَ اُ واسطَهِ روح خدا و از طریق ایمون اَئوردَ اُ حکیکت.

آنا خاد هرچی که اسمُش خدا بِه و پرستِش بِبِه مخالفت اَکو، و اُ خوش بَراتَ اَبَه، اوناکِه تِی معبد خدا اَنی و اُ خوش خدا اعلام اَکو.

اَلَه خداوندمو عیسی مسیح خوش، و بای اَما خدا، که خاطرمو شَئِست و اُ واسطَهِ فیض، شُ اَما دلگرمِنِ اَبَدی و امید خَش دَ، اُ شما دلگرم آکو و تِی هر کَر و حرف خَشی پابَرجا بِکو.

پَ خدا گرفتار یَک فریب گاتی شواَکو، تا آنایا اُ مِ چِی که دارُوِ باور بِکنِت.

اُندَهِ آن مرد بی‌دینا از طریق کَر شیطون، وَ تَموم کُدرت و خاد نِشونَه‌یّا و معجزه‌ئِی دارُوی، و خاد تَموم فریبِی شرارتِه، اَسِی کسِی که هلاک بُدات. اَسِی که آنایا کَبول شُنِکِه خاطر حکیکتا شُبِئِه و اینایی نجات پیدا بِکنِت.

اَسِی که سِرر بی دینی، هَمِ آلَه هم کَر کِردا، ولی فَکَط تا موکَه‌ای که مِ کسی که تا آلَه مانعُشِه، از بین اُچِه.