نامَه دوّم پِطرُس 3 માંથી લોકપ્રિય બાઇબલ વચનો

برخلاف گَمون مُشتی، خداوند تِی اَنجوم وعدَه‌اش وَرگار آناکو، بلکه نسبت اُ شما صبورِه، و اُشنائِه که کسی هلاک بِبِه، بلکه شَئِه هَمَه توبَه بِکنِت.

ولی عزیزیا، چَش لِی اِ حکیکتا آمَبانی، که حَدِ خداوند یَک راز چُنِ هزار ساله و هزار سال چُنِ یَک راز.

بلکه تِی فیض و شناخت خداوندمو و نجات‌دَهندَمو عیسی مسیح رشد بِکنی، اَسِی آنا از آلَه تا اَبَدالآباد شکوه و جلال بِه. آمین.

ولی رازِ آگِشتَئِه خداوند عیسی چُنِ دُز اَدا و مِ موکَوا آسِمونیا وَ غُرِشت ترسناکی از بین اَچِت و اَجسام آسِمونی تَش اَگِرِت و اَزیَه اَپاشِت، و زِمی و کَرِی که شُ لو اَنجوم بُدِ، آشکار اَبِه.

اَلَه که هَمَهِ اِ چِی‌یَه‌وا اینا اَزیَه اَپاشِت، شما باید چینا مردمی بی؟ شما باید یَک زندگِنِ مکدّس و دینداری تُبِه، و چَش انتظار اُندَهِ رازِ خدا بی و اونا زندگی بِکنی که مِ رازا زودتَه بِرَسِه، مِ رازا باعث اَبِه که آسِمونیا تَش بِگِرِت و اَزیَه بِپاشِت و اَجسام آسِمونی هَمیناکِه سُتات، آ هُو بِبِت.