Popular Bible Verses from Апостолъёслэн ужъёссы 1

શેર કરો

Тӥ вылэ Святой Дух васькоз но, тӥ кужым басьтоды. Иерусалимын но, быдэс Иудеяын но, Самарияын но, быдэс музъемлэн пумысеныз пумозяз ик Мынам адӟисьёсы-ивортӥсьёсы тӥ луоды».

Соослы Со шуиз: «Тӥляд ужды ӧвӧл дырез, срокез тодыны, кудъёссэ Атае Аслаз киулаз кутыса возе.

Дышетскисьёсыныз сиськыны огазе люкаськон дыръя Иисус соослы косон сётӥз: «Иерусалимысь эн кошке, Атайлэсь кыл сётыса верамезлэсь быдэсмемзэ возьмалэ. Со сярысь Мон тӥледлы вералляй. Иоанн вуэн пылатӥз, нош тӥ, кӧня ке нунал ортчыса, Святой Духен пылатэмын луоды».

Ачиз курадӟон чидам бераз соослы Со возьматскылӥз, улэп луэмзэ оскымонэсь трос тодметъёсын юнматылӥз; ньыльдон нунал ӵоже соослы возьматъяськылӥз но Инмар Эксэйлык сярысь вераса-тодытыса улӥз.

Тае верам бераз соослэн син азязы ик Иисус ӝутскиз, но ӝоген пилем Сое азьысьтызы басьтӥз.

Солэн ӝутскон дыръяз дышетскисьёсыз инбам пала учкыса уло вал. Шӧдтэк шорысь тӧдьы дӥськутэн кык пиосмуртъёс соос азе лыктыса султӥзы но шуизы: «Галилеяысь пиосмуртъёс! Мар тӥ инбам шоры учкыса сылӥськоды? Та, тӥ дорысь Инме ӝутскем Иисус, кызьы тӥ адӟиды Солэсь Инме ӝутскемзэ, Со озьы ик лыктоз».