Popular Bible Verses from Улон-вылон 18

શેર કરો

Кузё-Инмар понна кыӵе ке но быгатонтэм уж вань шат? Пусъем дыре, вуоно арын, Мон тон дорын луо, соку Сарралэн пи нуныез вордскемын луоз ини».

Сарра ас пушказ серектыса шуиз: «Мынам-а, пересьмем муртлэн, таӵе шумпотонэ луоз? Кузёе но пересь ини».

Зэм ик, Авраам бордысь быдӟым, кужмо калык потоз, дунне вылысь вань калыкъёс со пыр бакель каремын луозы

Авраам лыктыса шуиз: «Оло нош Тон шонер улӥсез сьӧлыклэсь кышкасьтэмен ӵош огазе быдтод-а [шонер улӥсьлы со ик луоз-а, мар луоз сьӧлыклэсь кышкасьтэмлы]? Оло нош та городын витьтон шонер улӥсь муртъёс вань? Витьтон шонер улӥсьёс вань вылысь но [вань ке соос] быдтод-а, уд жаля-а [быдэс] та интыез?

Кузё-Инмар шуиз: «Содом городысь Мон витьтон шонер улӥсь муртэ шедьтӥ ке, соос понна Мон [быдэс городэз,] быдэсак та интыез но уг быдты».