Popular Bible Verses from Maka 13

શેર કરો

Beto agou sa na veveiqu ara sa kode maike tavaraguanigou doru tinoni. Ba na tinoni mina vangaju kamua na vinabetona sa mina taalo,>> sau si Jisu.

Mu suvere vabalau beto mu suvere kopu, ura quke gigilai agou sa na totoso.

Ko tonai mai toni laonigou pa ia vavaitutina sagou, sa munake takulangania na sa mene pojai kita mugu. Isa tugu na paranga muna taiania na totoso isa sa muna poja votunia. Ura nake agou sa muna paranga, goto na Gagala Tabuna tu.

Na oka beto na peso sa mai maragutu, ba na paranga taqu sa maike isongo maragutu podeke,>> sau si Jisu.

<<Goto na veveina na rane babi na totoso isa sa kepore kai tinoni sa gigilai. Ira na mateana ba qaike gigilai, na Tuna ba sake gigilai tugu. Mekana gu na Tamana sa gigilai.

Tonai muna nongoroniria agou sira na vaipera beto na vavakatodi na vaipera, sa muke matagutu. Kode mai pidoko lame tugu sira na sakasava pira ba sa oqoro kamua sa na vinabetona.

Ko sa vei sa agou ba mu suvere gegele, ura quke gigilai agou sa na totoso mina mule lame na bangarana na ruma. Sake tagigila sa bi lame na vevelu sa, na korapa bongi sa, na piranga kokorako sa, babi na vuvugei jonga. Kita mi lame kamu vasiboro, poni mi batigou mu korapa puta mumagamiu agou. Ko isa tugu qa korapa poja veinigou agou pira, sa qa poja veiniria tugu sira doru: mu suvere gegele,>> sau si Jisu.

Kode kai puku tinoni mina turu talea kai goto puku tinoni, beto kai binangara mina turu talea kai goto binangara. Mina nunu soku eqa beto kode mina raja na songe. Na sakasava pira sa vei na popodalaina na vivitigi teku koburu.

Ko momoe na nongoro jongana sa mina tatarae mai tu tadira doru puku tinoni.

Kubo sira na tinoni kode mai lame pa isongoqu ara ko mai paranga vei pira, <Ara sa isa,> marigu, ko mai toni vapiru paleria sira na soku tinoni.

Ko agou mu doro kopunigou mekamiu. Ura kode mai teku valaogou pa vaikamu tadira qai vavaituti beto ko mai pipiqologou pa ruma vavaikamuna. Beto kode muna turu pa moedi ira na qavuna beto ko ira na babangara pa veveina na isongoqu ara, ko muna ule vaniria sa na veveina na nongoro jongana.

Ura kode mai bobola kamu sira na karisito sesekedi beto na tinoni kokorotai sesekedi. Kode mai roiti votuniria sira na dia vinagigila beto na roiti vaivagabaradi, ko vei mai boka sa kode mai toni vapiruria tugu sira na tinoni taviledi tana Tamasa.

<<Ba pana rane ira totonai mina kamua na totoso tapata, mina rodomo sa na tapo beto na popu sa minake kabere; mai vukele sira na seru pa noka beto ira na neqi pa noka mai tajou vakanoko.