Popular Bible Verses from Popodalaina 32

શેર કરો

Poni pira saunia na tinoni isa, <<Kopira nake i Jekopi na isongomu sao goto i Izireli tu, ura qu rajai na Tamasa beto qu rajaria ira na tinoni ba qu kilasa kare sao,>> saunia.

Beto pira sau sa na tinoni, <<Mu loasiu ura sa tei sae tu sa na vovola rane,>> saunia. Poni pira sau si Jekopi, <<Maneke isongo loago tinganai ko muna mananisiu mai tu,>> saunia.

Ego ko sa taloa vamekaina si Jekopi. Beto sa lame kai tinoni ko qai vaituaragadia sira karu tinganai ko sa sae tu na vovola rane.

Ego ko sa vakukunia Peniele i Jekopi sa na ia isa, <<ura qa batini isumataqu ara sa na isumatana i Tamasa ba sake apulia kai sa na qua toa,>> sau.

Totonai sa batia na tinoni isa sake boka vagorea si Jekopi sa, sa majai sa na vaijokele pa sisikirina isa ko sa vaisela tu sa na vaijokele pa sisikirina i Jekopi totonai qai kole vaituaragadia.

Poni sa nanasa sa na tinoni isa, <<I sei na isongomu sao?>> saunia. Poni pira sau sisa, <<I Jekopi,>> sau.

Sa pira saunia i Jekopi, <<Mu ule vanisiu na isongomu,>> saunia. Poni sa nanasia i Jekopi sisa, pira saunia, <<Ai sa vei ko qu nanasania tu na isongoqu?>> sau. Beto sa sa manania tugu ketakoi.

Ara sa nake garoqu ko ba isongia sa na vairoqu jongadi beto na uana tarangena qu roitinia ao taqu na mua nabulu. Na qua opata gu sa qa isongia totonai qa karovia ara sa na ovuku pa Jodani api, ba kopira sa karu pukuna tu sa qa isongia ara.

Ko sa vei sa, kamua pa rane pa ngeni alepi ira na tinoni Izireli sa qaike gania sa na masa sa vaijokelai lao pa pupuda pa kale sisikiri ura pa masa tugu pa kale sisikirina i Jekopi sa sa tamaja.

Beto sa vavara si Jekopi, pira sau, <<Ao na Tamasa tana tamaqu i Ebarahami beto na Tamasa tana tamaqu i Aisake, Kei Iahova, Ao pira qugunisiu, Mu mule lao pa mua gusu beto tadira na tavitimu beto ara mana roiti veinigo kai tinoni puramu qugu.

Ko mu alosiu, qa tepago, pa limana na tugaqu i Isoa ura qa matagutunia ara sisa kita mi lame rapatasiu sara beto ira na tamatina.