Popular Bible Verses from Popodalaina 28

શેર કરો

Ko ara mana vavaburogo beto mana kopunigo pai eqa muna lao vei, beto mana toni mule kamunigo tugu pa peso api. Ura maneke loago ara sao tinganai mana roiti votunia ara sa vei qa pojanigo ao,>> sau sisa.

Ko pa narena isa sa turu si Iahova beto pira sau, <<Ara si Iahova, na Tamasa tai Ebarahami na tamamu beto na Tamasa tai Aisake. Na peso qu korapa kolea ao sa mana vanigo ao beto ira na tutimu ao.

Tonai sa dorava pa ona puta si Jekopi sa, pira sau, <<Koi sosoto! I Iahova sa pa ia lani, ba ara qake gigilai,>> sau.

Ego ko sa maulunia i Jekopi sa kai maulu, pira sau, <<Vei na Tamasa sa mina vavaburosiu beto mina kopunisiu pa qua rererege qa korapa lekogonia api beto vei mina vanisiu na tetekuna ko mana teteku beto na poko ko mana vasaea, beto ko mana gabala mule pa bule pa ruma tana tamaqu, poni sa I Iahova sa mina Tamasa taqu ko na patu alepi isa qa patubiti vaturu veinia na babara sa mina na ruma tai Tamasa beto pa doruna na sakasava qu vanisiu sa kame pa manoga sa mana valao vanigo ao ara,>> sau sisa.

Na tutimu ao sa mai vei na kavuruna na peso, beto muna qaqatia doru eqa lao vei pa kale suvu tapo, pa sagere tapo, pa kale saena beto pa kale gorena. Ko doru miminete tinoni pa nabana sa mai tamanadia tamu beto tadira na tutimu ao.

Beto sa vakukunia Beteli na isongona sa na ia isa ba Luzi tu sa na isongona sa na gugusu isa perangana.