Popular Bible Verses from APOEM AYANG: 17

શેર કરો

Abram goug: xe: goug: zain nghoid ri ASEING gi nya: jhang re" lho: «Ngoo gi myhang: thang da" Mangsoo nghoid. Nga" dang: tam" gyo: lho: ge da" moo" khanham we' dazei: nyid we'.

Re" myeing gi Abram anghoid loo: Abraham danghoid lo:. Khasu" wim gari ngoo gi nang ri byumyu" myoo" sho' da" phoug" phyid" bue" nhang: too" bye:.

«Ngoo gi nang yo' re" amyed ashen yi da" ju" loo wa byunyid xiyam: moo ju" sho' apyaid atoo: mo thang" cab khyo" nga" dangsoo" ri zoem: nyid wa bye:. Ngoo gi re" da" Mangsoo we' re" amyed ashen yi da" Mangsoo we' nghoid nyid wa bye:.

«Nang gi byumyu" myoo" sho' da" phoug" phyid" bue" loo wa ein: ngoo dangsoo" byid: to" khyoo: gi ngoo nang yo' to" to" da" nga" thang" cab nyang: nghoid bye:.

Nghoid loug we' Mangsoo gi «Ayo" bui" nhang:. Re" yhoem: seing: myhi' Sara gi re" shid re" yuggi zoo: khu: byid: wigi nang gi nyang: ri Isag ein: myeing myheing wa nghoid. Ngoo gi nga" thang" cab ri nyang: yo' we' nya: amyed ashen yi yo' we' apyaid atoo: to" too" wa nghoid. Hau: zigi apyaid atoo: thang" cab nghoid bye:.

Akhid" nang being" voo khyo" re" nyid nyid da" he: moug: ri ngoo gi nang yo' re" amyed ashen yiri byid: wa nghoid. Khanan damung" goin" ri re" amyed ashen yi apyaid atoo: seing: nyid wa nghoid lho: ngoo we' nyangnu" da" Mangsoo bue" nyid wa bye:».

Abraham gi nya: myonhoo: ri myidjang tain" sho' goeb khyo' kaid. Nghoid loug we' nyang: gi «Apyaid dashoo: ju" bye: su: gi zooshang: ge yoo" shi" wa la". Sara gi apyaid goug: xi: moo zooshang: ge yoo" loo: wa la"» ga: shoug" soin: wigi yi kaid.

Mangsoo gi Abraham ri «Nang gi re" da" yhoem: seing: myhi' ri Sarai ein: ayo" myheing loo wa akhid" mo nya: myeing gi Sara danghoid lo:.

Akhid" nang mo ayang: shed" lho: shed nyid" byeung" bye: da" yuggi zoo: yi dangain" shooyid thang: yham" ca". Re" yhoem: moo co' phyed da" join yiri we' tungbau jang" mo qei yu to" da" join yiri we' hougsu" koid byid: ca". He: zigi nanu" yo' nga" agyoo: moo to" da" thang" cab bue" nyid wa nghoid.

Nghoid loug we' ngoo gi nga" thang" cab rigi sang: nheig he: ayo, koo: moo Sara khu: wa da" re" zoo: Isag yo' dato" too" wa» ga: tid.

Akhid" nang mo ayang: shed" lho: shed nyid" byeung" bye: da" yuggi zoo: yi dangain" shooyid thang: yham" ca". Re" yhoem: moo co' phyed da" join yiri we' tungbau jang" mo qei yu to" da" join yiri we' hougsu" koid byid: ca". He: zigi nanu" yo' nga" agyoo: moo to" da" thang" cab bue" nyid wa nghoid. Yugkhang" moo" shooyid thang: yham" ca" boem wa. He: zigi nanu" yo' ngoo to" da" thang" cab gi apyaid atoo: dajo, jo, nyid khyoo: ri toin" shed nyid da" gung shoo" mo alhoo: bue" nyid wa nghoid.