Popular Bible Verses from THU' LO" MOUGSOUG" 9

શેર કરો

Nghoid loug we' nga" phung" yoeb gi mougmyid gyab goin" jang" moo fu" nhang loo baja". Nga" yoem: so' nang ri ci: shug byid: wa ngoo gi nang ri dei nyid nhang: too" bye:.

ASEING gi Moshe ri «Khokham jhang yhe: wigi nang ri Hebre byumyu" yi da" ASEING Mangsoo gi ‹nga" byu yi ngoo ri yo" noku wa shid re" nyangnu" yhe: loo" wa akhang" byid: we'.

Ngoo nga" lo, ri tu: yeing wigi nang yo' re" byu yiri noophyoo" yo' yooboo dam byid: nhang: rigi nanu" gi bain sho' byo, yoin" loo" goo" wa.

Re" gougnyhoug nghoid da" myang:- loo zei:- gola-ug- nu:- yang yo' coidbaid phung: joem ri gyoug pho" yoem" gyoo" nhang: khyo" wigi nang ri ngoo yooboo dam byid: wa. Israela byumyu" yi da" gougnyhoug yo' Egutu byumyu" yi da" gougnyhoug yi agyoo: moo ngoo bang bang kho' too" wa zi nghoid wigi Israela byumyu" yi da" gougnyhoug gi shid: wa zi anghoid.

Egutu mhoomyid: mo khanham we' ashau" gyoo: yu" da" gye" gyi: thang leigvoo nab kyoo' he: yo, ri ngoo voo nhang: wa. Akhid" amyeing" byid: wigi re" gougnyhoug joem yo' jang: pa: mo nang yo" da" gootu: dangain" ri zoem" khoug: moo koin" lhoung too" we'. Khau: nghi: joyoo ajo, nghi: moo: nyid da" byu yi yo' gougnyhoug joem adang moo leigvoo gyo" zang" wigi nyangnu" dangain" shid: wa zi nghoid» ga: tid.

Hau: zigi pheilhoug: yhang: ti" Egutu mung" goin" jhang khyoo: byo sain" lo" lho: mungdain: goin" mo byu yi yo' gougnyhoug joem adang moo byeung dam bue" loo wa» ga: tid. Houg lang nya: tang: myiyab dajhi zhoeb yu wigi khokham shidkhoin" moo yab jo, ago". Moshe hau: myiyab ri lid moo sain" kaid lang" hau: zigi byu yi yo' gougnyhoug joem da" adang moo byeung dam bue" nhang: da:.