Popular Bible Verses from THU' LO" MOUGSOUG" 15

શેર કરો

Nyang: gi «Ngoo jo ein: koid ziri nanu" phau" myang: wigi nga" amyeing" dang: ri cang yhe: nghoid rigi ngoo nanu" ri Egutu byumyu" yiri tab byid: da" noophyoo" joem yhang: ti" yooboo dam abyid: wa nghoid. Ngoo nanu" ri noophyoo" mo gi nhang: da" ASEING nghoid» ga: tid.

ASEING gi nga" yoem: bo thang da" goem loem su: nghoid. Nyang: gi ngoo ri khyoid yu su: nghoid. Nyang: gi nga" Mangsoo nghoid yoomo ngoo nyang: ri coung" nghei wa. Nga" pho da" Mangsoo nghoid yoomo nya: gyi: sheung: khyoo: ri ngoo jikhoin" khoin" wa.

ASEING we"- yu phara joem moo nang yo' du zi hang" nyid wa lha". Gyeung" shang: jang" moo mau" pho" da" nang gi hang" yo' du wa lha". Re" da" mau" pho" moo" zoo" yo' gyi: sheung: moo" zoo" ri nang yo' dakhyo" hang" yo" koid wa lha".

Re" dangsoo" khoin" moo: dang: zung" ziyo' nang khyoid yu bye: da" byumyu" yiri nang vhu" she: loo bye:. Re" gyeung" shang: mung" khyoo: re" yoem: vhu" yo' nyangnu" ri nang vhu" she: loo bye:.

Hau: thang: Mara ga: myheing da" joyoo khyoo: nyangnu" ju" lo ago". Nghoid loug houg moo yau da" gyid gi ayo" shug loo: sho' kho" da:. Hougsu" yoomo hau: ziri Mara ga: myheing ago". Byumyu" yigi Moshe ri myeing" myo: wigi «Ngoonu" gyid ce: shug wa» ga: myid: ago". Moshe gi ASEING jhang akyu" mho' lang" ASEING we' nyang: ri seigdu dadu toin" shed wigi hau: ziri nyang: gyid moo du" kaid lang" yo" shug da" gyid bue" loo bye:. Hau: joyoo moo ASEING gi nyangnu" ri cang yhe: wa tarha" ri byid: wigi jham" ca: yu" da:.