Popular Bible Verses from Š. Matéu 6

શેર કરો

Kerkoni poka mê pâr rregjerîn e Tinzoti e te dréiten e tîje: e kto šurbise ju štoχen juve.

Andái mos u‐lavšit per néserin. Se menasmi kat kêt trût per té. I sosen dítese e kékjia sâje.

Per kte ju θom, te mos láveni per gjelen têje tše kin χani, e tše kin pini, ne per kurmin têje tše kin véšeni. Nẽng ešt gjela mê se te ngrenit: e kurmi mê se te véšurit?

Ti prana, kûr parkaljefše, χîre te špiza jote, e mbulíjetur deren, parkaljés Taten tẽnte fšéχura: e Tata it tše šeχ nde te fšéχurit, te jep sbuljúar.

Keštú poka ju kin te parkaljéseni: Tata în, tše jê te kjíelet: kjofte šeiterúar émeri it. Árθete rregjería jote. Kjofte bẽn veljema jote, si nde kjíel, eδé mbi δê.

Buken tên te perdíšemen ẽmna sot.

E ndeljena neve detirat tona, si eδé na ja ndeljemi atire tše kân te na japen.

E mos na síelše nder tantatsiúna. Po lješona ka i ljigu. Pse jótia ešt rregjería, e fukjía, e ndera nder gjiθ motrat. Aštú kjofte.

Pse nde ju ndeljefšit njérezvet ftesmet e tire: ju i ndeljén eδé juve Tata îje tše ešt nder kjíelat.

Vreni zókjete e kjíeles, se nẽng mbiélen, nẽng kúarnjen, nẽng mbiéδen nde katokjet: e Tata îje i kjíeles i tagjisen. Ju nẽng veljeni mê se atá?

Mos mbjiδni per ju terzore mbi δê: ku kopitsa, e rrudza i grisen: e ku latrunte škúljenjen, e kalonjen. Po mbjiδni per ju terzore nde kjíel: ku jo kopitsa, jo rrudza i grisen, e ku latrunte nẽng škúljenjen, ne kalonjen. Pse ku ešt terzúari it, atié ešt eδé zémera jote.

Mosnjerî mund šurbênje di zotra: pse o kat dêt ljik njerin, e mîr jetrin: o kat ndíχenje njerin, e jetrin te mos e ndikurônje. Nẽng mund šurbeni Tenzôn, eδé mammunin.

E nde barin e jaštes, tše sot ešt, e neser štiχet nde furret, Inzót vešen keštú: sa mê šûm juve me pak bes?

Po kûr ti bẽn ljimósene, mos te die dora jote e mandžîne tše te bẽn e diaθta jote: Se ljimósena jote te jêt mbe fšeχur, e Tata ite, tše šeχ nde te fšéχurit, aí te jep mpalís.

Rúani te mos bẽni te miren teje perpara njérezvet, se te jini pâr ka atá: se nemós nẽng kini rrôg ka Tata îje, tše ešt nder kjíelet.

Kûr prana agjerofšit, mos kjofšit si ipókritrat te mẽrúar. Se škatarronjen fakjet e tire, te buθtonen njérezvet se agjeronjen. Per vertét ju θom, se pátetin rrogen e tire. Ti prana, tue agjerúar, ljimó kríet tẽnte, e ljâje fakjen tẽnde, Te mos dukeš njérezvet se agjerón, po Tates tẽnte, tše rrî i fšeχur: e Tata it, tše šeχ nde te fšéχurit, te jep sbuljúar.