Popular Bible Verses from Matyo 6

શેર કરો

I taam Ndɨla waan la mum kar tugla la, barita ər ɓə gɨ i mum ne gə̰y naa tɨ sul.

Yḭ ka i ndɔ cḛy gaana jaa lo, kəysul gaana may na ər jaa ne tuna ər sul. Ɗa̰y tɨ lay kaw may na ər pɛw ne tuna ər sul.»

«Tɨ nejo ən ja gɨ i ɓə: Yḭ ka i ndɔ cḛy tuna i tudi la yḭḭ la sul lo, ɓee tuna sər ne yḭ taam tɨ i ndula jaa lo. Kəysul tɨm jili ura mum tudi, la ndula ya̰m ura sər la lo a?

Lɛ yim, gorne əm wo Ndɨla soon gɨna, wur tɨ əm li hul, əm hul limu tɨ əm sul. Əm soon əm Ba ne ti tɨ un kuru, la əm Ba ne ləg mum kuru ɓə gɨ əm wa̰y tɨ daa sul naa.

Ul mu tɨ Ndɨla soon jo le: “Ī Ba ne wo tɨ ndɨlasul, ka bi kay əm ndil jak la, ka əm waan hina, ka bi tɨ nəgri sul ka wa̰y ne əm hul taam kuna a ka tɨ ndɨlasul

Kakam le, naa gɨ i tudi ne ka lɛm i mu

Ka əm hul ɗina əm tɨ i ɓijim sul, ɓə yini kaw i hul ɗina i tɨ bi ne ka gɨ i ɓijim sul la.

Ka i nɨm nɨ i ɓə tɨba tɨ mum tɨ sangni hul lo lɛ əm jul i tɨ Ɓijim daa. Kəysul waan la, dwari la, taan la, tɨ yim maan marway. Amin!”

«Jo gorne i hul ɗina i tɨ bi na ɓijim ne a ka gɨ i sul gɨna, i Ba ne ti tɨ ndɨlasul kaw hul ɓə ər ɗina tɨ i ɓijim sul la.

Yḭ ləg ɗḭ tɨ ndɨlasul: A ndu lo la, a ɓya̰ lo, la ta a to tɨ dawlu hul lo la, lɛ ī Ba ne wo tɨ ndɨlasul naa gɨ a tudi! Yḭ hura ɗḭ ne lo a?

«Yḭ ka mum tɨ tina dɨbla tay tɨ nəgri sul tɨ un ne tina la, mara la ɓə ər yunga lo, ta bi tɨ sugi ɓə li taal kura tɨ sila lo. Lɛ yḭ tay mum tɨ tina tɨ ndɨlasul, tɨ un ne tina la, mara la ɓə a yunga lo, la tɨ un ne bi tɨ sugi ɓə li taal kura tɨ sila lo la. Kəysul gorne i wa̰y tɨ tina wo tɨ nin jo, i ho̰ni wo tɨ nin la.»

«Wo ɓə lɛm bələgɨ tɨ ndidi cida kar lo, kəysul ər ɓə wo ɓudu koor la, ər ɓə ɓudu kumkar la, ɓee ər ɓə ər ndula kay na wo ɓudu lɛ ər ɓə wo ɓudu ləg na wa̰y kar lo bad. Wo ɓudu ɓə cida kar gɨ Ndɨla la gɨ gursu la lo.»

Jo Ndɨla wur sər gɨ mum huyri tɨ waal hul ne o̰ kakam la gaana laa wo a kula gɨna, pay ər lɛm yḭ maan kar nɨ ɓə ne ura lo a? Ay! I hul kula ɗang gaw!

Lɛ yim, gorne əm daa tɨ lɨma wo wa̰y naa gɨ wo tɨ ndemni gɨna, ka əm daa tɨ gɨlay ka wa̰y ne əm daa tɨ lɨma wo kar una lo, nɨ ka wa̰y ne əm naa ti kuru la əm Ba tɨ Ndɨla ne ləg wa̰y tɨ un kuru, naa gɨ əm wa̰y tɨ daa sul.»

«Gorne yḭ wo wa̰y tugla kar gɨna, yḭ ka kar na i ndula ɓla tɨ bi ji nɨ a ɓə i ləg lo, jo tɨ in lo gɨna, yḭ ɓə wa̰y tɨ daa sul tina tɨ i Ba tɨ ndɨlasul ndɔ lo.

«Gorne yḭ ti na ndu yuni gɨna, yḭ ka i jindemni kar kuna bi gṵ tɨ ndidi lo: A ka a jindemni nɨ bi gun una ɓə a kway a ndula wa̰y tudi la wa̰y yḭḭ la. Ən ja gɨ i tɨ bayri, ya̰ ten a wa̰y tɨ daa sul teni. Lɛ yim, gorne əm ti na ndu yuni gɨna, ugu əm ji la, əm ka itɨr tɨ əm sul, nɨ ka bi ka una ɓə əm kway əm ndula wa̰y tudi ɓee ndu yḭḭ lo. Əm Ba ɓudu ne wo tɨ un kuru jo una la əm Ba ne ləg wa̰y ne əm ka tɨ un kuru ɓə əm wa̰y tɨ daa sul naa la.»