Popular Bible Verses from Матвей 7

શેર કરો

«Вешеде ды максозь ули тенк; вешнеде ды мутадо; вачкоеде ды панжить тенк.

Эдь эрьва вешицянтень – максови; вешницясь – муи; вачкоицянтень – панжозь ули.

«Кие кунсолы неть Монь валтнэнь ды топавты эйсэст, се вейкетстяви превей ломань марто, кона путызе кудонзо кевень юр лангс.

Тееде ломантнень туртов весемесэ истя, кода, тынк меленк коряс, эряви теемс тенст эсенк туртов. Теньсэ Моисеень Коенть ды пазмарицянь тонавтоматнень зэмест-смустест».

Кодамо теине ортась ды стака се кись, конат ветить эрямос, ды ансяк аламотне мукшносызь сынст!»

«Совадо теине ортава. Ламот ютыть келей ортава ды шожда киява, конат ветить пингеде пингень куломас-ёмамос.

Бути натой тыньгак, берянь ломанть, машттадо эсь эйкакшонк туртов вадря казнень макснеме, нама, менелень Тетянк седеяк максы вадря казнеть сетненень, кить вешить кедьстэнзэ!

«Киньгак илядо судя, сестэ тынсенккак Пазось а судятадызь. Эдь кодамо судсо лиятнень судятадо, тынсенккак Пазось истямосо судятадызь. Кодамо онкссо онкстатадо, истямосо тыненккак онкстазь ули.

А вана кие кунсолы неть Монь валтнэнь ды ялатеке а топавты эйсэст, се вейкетстяви превтеме ломань марто, кона путызе кудонзо чувар лангс.

Кода тон сардыненть несак малавиксэть сельместэ, бути эсеть сельместэ чочконть а редясак? Кода мереват малавиксэть туртов: “Эрьга, таргаса сельместэть сардыненть”, а вана теке шкастонть тонсеть сельмесэ чочко?

«Ванстодо прянк кенгелиця пазмарицятнеде. Сынь тыненк сакшныть сэтьме ревекс, ансяк сынст потмост – азарсь верьгизэнь. Тынь сынст содасынк тевест кувалт. А кочксить кодоркс куракшсто винаумарть эли кирмалавсто инжирт.

Истя, эрьва паро чувтось чачты паро умарть, ды берянь чувтось чачты амаштовикс умарть.

Паро чувтонтень берянь умарть а чачтовить, берянь чувтонтеньгак паро умарть а чачтовить.

Эрьва чувтонть, кона паро умарть а чачты, керясызь ды толс каясызь.