А нунышт калык кугурак-влак дене погыненыт, каҥашен налмеке, сарзе-влаклан шуко оксам пуэныт да ойленыт: «Тудын тунемшыж-влак йӱдым толыныт да малымына годым капшым шолышт наҥгаеныт манын каласыза. Вуйлатыше деке тидын нерген увер миен шуэш гын, ме тудым ӱшандарена, да тыланда нимо шотыштат азапланыме ок кӱл». Сарзе-влак, оксам налын, каласыме семынак ыштеныт. Нунын ойлымыштым иудей-влак коклаште тачысе кече мартеат шаркалат.