Kikia 17 માંથી લોકપ્રિય બાઇબલ વચનો

શેર કરો

Wɛ na ke nabiina konto to ye se ba kwaane se ba lɔre-o mo. Ba jege se ba taane mo ba nii o jei, se ba laam wane ba lɔre‑o. Wɛ nam maŋe o dae yiga yiga dedaane debam maama.

Wɛ na ke nabiinu dedoa Adam to mo o laam pɛ se nabiina dwi maama zege wonto yera ne. O ma pa se ba jage ba zoore logo baŋa maama wone. O ke konto mo ye o boboŋa ya maŋe ya ja se o lɔre ba dwi dwi maama na wó taa wora maŋa kalo de maŋa kalo to, de ba na wó taa zoore jei selo ne to.

Wonto mo ye Baŋa Wɛ wolo na ke logo baŋa de wonnu telo maama na wo ko wone to. O maa tei wɛyuu de tega baŋa maama, ye o ba zoore di selo nabiina na lɔge ba pa‑o to wone.

Kolo ŋwaane o tiŋi dɛ mo o na wó di nabiina maama taane. O wó tɔge chega mo o di ba bora. O nam maŋe o kuri wolo o na wó tɔge o ŋwaane o ke konto to. O pɛ se nabiinu wom konto bi toone wone mo se ko pa nɔɔna maama lɔre we ko seene ko ye chega.”

Debam na seene dé ye Wɛ bia to, dé ba jege se dé boŋe we dé Keiru Wɛ wó taa nye de kamɔgɔ nabiinu na mɛ o tete boboŋa o mɔ de o jea to, ko ná ye sabu-seŋa naa lu-nyenno naa kandwa mo o mɛ o ke.