Popular Bible Verses from ଲୁକ 11

શેર કરો

ଏପେଙ୍ଗ୍ ବାନ୍ଯା ମାନାୟ୍ ଆଜି ମାଚିସ୍ ପା ଜାର୍-ଜାର୍ ହିମ୍‌ଣାକାଙ୍ଗ୍ ହାର୍-ହାର୍ ଜିନିଷ୍ ହିନାଦେରା। ଲାଗିଙ୍ଗ୍ ସରଗ୍‌ତାକେ ମାନି ମି ଆବା ଈଶ୍ୱରତିଙ୍ଗ୍ ଇନେର୍ ପା ଏନ୍‌ନାର୍, ହେୱାନିଙ୍ଗ୍ ଆଦିକ୍ ଜବର୍ କିଜି ପବିତ୍ର ଆତ୍ମା ହିନାନ୍।”

ଲାଗିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, “ମିଙ୍ଗେଙ୍ଗ୍ ଇମ୍‌ଣାକା ଦର୍‌କାର୍ ଏପେଙ୍ଗ୍ ବାରମ୍-ବାରମ୍ ଈଶ୍ୱରତିଙ୍ଗ୍ ଏନ୍‌ଚି ମାନାଟ୍। ଲାଗିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ହିଦ୍‌ନାନ୍। ମିଙ୍ଗେଙ୍ଗ୍ ଇନାକା ଦର୍‌କାର୍ ହେଦାଙ୍ଗ୍ ଈଶ୍ୱରତାକେ ଡେକ୍‌ଚି ମାନାଟ୍। ହେଦାଙ୍ଗ୍ ଏପେଙ୍ଗ୍ ଗାଟା ଆନାଦେର୍। ମି ସାଇଜ କାଜିଙ୍ଗ୍ ଈଶ୍ୱର କାପାଟ୍‌ତାକେ ଇସ୍ତି ଲାଗି ମାନାଟ୍। ମିଙ୍ଗେଙ୍ଗ୍ ଈଶ୍ୱର ସାଇଜ କିଦେଙ୍ଗ୍ ଦୁୱେର୍ ଜେସି ହିଦ୍‌ନାନ୍।

ମାତର୍ ଇମ୍‌ଣାକାର୍ ଏନ୍‌ନାର୍, ହେୱାର୍ ୱିଜୁ ପାୟାଆନାର୍‌। ଇନେର୍ ଡେକ୍‌ନାର୍, ହେୱାର୍ ଗାଟାଆନାର୍। ଇମ୍‌ଣାକାର୍ କାପାଟ୍ ଇସ୍ତି ମାନାର୍, ହେୱାର୍ କାଜିଙ୍ଗ୍ ଦୁୱେର୍ ଜେୟା ଆନାତ୍।

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ପାର୍ତାନା କିନିହିଙ୍ଗ୍ ଇଲେକେ ୱେଚାଟ୍, ‘ଏ ମା ସରଗ୍‌ନି ଆବା, ନି ତର୍‌ ଈଶ୍ୱରଆତ୍ମା ଇଞ୍ଜି ମାନିକିନାପ୍। ଈଶ୍ୱର ସାସନ୍ କିନି ରାଜି ୱାୟେତ୍। ହେଲେକେ ସରଗ୍‌ତାକେ, ହେଲେକେ ପୁର୍ତିତାକେ ମି ଇଚା ପୁରା ଆଏତ୍।

ମା ପାପ୍ ୱିଜୁ କେମା କିଦା, ଲାଗିଙ୍ଗ୍ ଇମ୍‌ଣାକାର୍ ମା କାଜିଙ୍ଗ୍ ଅନ୍ୟାୟ୍ କିତ୍‌ତାର୍‌ନା, ଆପେଙ୍ଗ୍ ୱିଜାକାରିଙ୍ଗ୍ ପା କେମା କିତାପ୍। ମାଙ୍ଗେଙ୍ଗ୍ ଶୟତାନନି ପାପ୍ କାମାୟ୍‌ତାଙ୍ଗ୍ ରକ୍ଷା କିଦା।’ ”

ନେଞ୍ଜେଙ୍ଗ୍ ମାଙ୍ଗେଙ୍ଗ୍ ଦିନେକ୍‌ନି କାଦି ହିଦା।

ମି କାଣ୍‌କୁ ଗାଗାଡ଼୍‌ନି ବଇଟାଲେକେ। ଲାଗିଙ୍ଗ୍ ମି କାଣ୍‌କୁ ଇନାୱେଡ଼ାଙ୍ଗ୍ ହାର୍ ମାଚିସ୍, ଲାଗିଙ୍ଗ୍ ମି ୱିଜୁ ଗାଗାଡ଼୍‍ମୁଡ଼ି ପା ହାର୍ ମାନ୍‌ଗାନାତ୍। ଯଦି ମି କାଣ୍‌କୁ କରାପ୍ ମାଚିସ୍ ମି ୱିଜୁ ଗାଗାଡ଼୍‍ମୁଡ଼ି ପା କରାପ୍ ମାନ୍‌ଗାନାତ୍।

ଇନେର୍ ବଇଟାତିଙ୍ଗ୍ ଆହିକିଜି ମାଣ୍‌ପାକ୍‌ଚି ଇଟୁର୍, କି କାଟେଲ୍ ତାରେନ୍ ଇଟୁର୍, ମାତର୍ ବଇଟା ଇଟ୍‌ନି ବାହାତାକେ ଇଟ୍‌ନାର୍, ଇନେସ୍‌କି ଇଲ୍ ବିତ୍ରେ ହଣାକାର୍ ହେ ଅଜଡ଼୍‌ତିଙ୍ଗ୍ ହୁଡ଼୍‌ନାର୍।