မ︀တ︀်တ︀ႄး 3 માંથી લોકપ્રિય બાઇબલ વચનો

ꩬ︀ူꩬ︀ၢင︀်ဝွေတ︀ေႇတ︀ေႇဢ︀ူꩫ︀က︀ီး ဢ︀ဝ်ႈတ︀ၢင︀်းက︀ႅင︀်းꩬ︀ူပ︀ျႃးက︀ꩫ︀်ႈတ︀ႃႉ။

မ︀ိူဝ်ႈဢ︀မ︀ႂ်း လ︀ုက︀်ႉက︀ၢင︀်ႈꩭၢဝ်မ︀ႆ︀ႛ “က︀ူဝ်ႇꩫ︀ႆ︀ႇယ︀ႃႇ လ︀ုက︀်ႉꩭၢက︀်ႉက︀ဝ်ႈꩫ︀မ︀်။ မ︀ꩫ︀်းမ︀ႆ︀ႛက︀ဝ်ႈမ︀ႃးꩡ︀ႂ်ႈလ︀ူင︀်ꩫ︀မ︀်” ꩫ︀ꩬ︀ီ ꩬ︀ီင︀်တ︀ၢꩫ︀်ႛဢ︀ွက︀်မ︀ႃးဢ︀ူ။

ꩡ︀ဝ်ႛယ︀ေꩬ︀ု ꩭၢပ︀်ႉမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇယ︀ဝ်ႇꩬ︀ီ မ︀ွင︀်းလ︀ုက︀်ႉꩫ︀မ︀်ႇမ︀ႆ︀ႛ ဢ︀ွက︀်မ︀ႃးယ︀ႃႇ က︀ၢင︀်ႈꩭၢဝ်ပ︀ုတ︀်ꩬ︀ီ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛက︀ျွႃးလ︀ူင︀်းမ︀ႃးင︀ႆ︀း ꩫ︀င︀်ꩭၢင︀်ႈꩫ︀ူက︀်ႉတ︀ူႛꩫ︀က︀ꩫ︀်ႈ က︀ꩫ︀်ႛꩫ︀ိူဝ်မ︀ꩫ︀်းꩡ︀ဝ်ႛမ︀ႆ︀ႛ မ︀ႃးꩡ︀ပ︀်ꩫ︀ႆ︀ႇမ︀ႆ︀ႛ မ︀ꩫ︀်းꩡ︀ဝ်ႛꩭꩫ︀်ဢ︀ူ။

က︀ဝ်ႈယ︀ႃႇ ꩬ︀ူꩬ︀ၢင︀်ဝွေယ︀ဝ်ႇꩫ︀က︀ီး ꩬ︀ူမ︀ႆ︀ႛမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩭႂ်ႛဢ︀ူ။ ꩫ︀ႆ︀ႇꩫ︀က︀ေႃႇ ꩡ︀ဝ်ႛဢ︀ꩫ︀်ႈက︀ꩫ︀်ႛလ︀င︀်က︀ဝ်ႈမ︀ႆ︀ႛမ︀ႃးꩫ︀ႆ︀ႇယ︀ႃႇ ꩬ︀ူမ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃၸ︀ႆ︀းမ︀ႆ︀ႛꩡ︀ူမ︀်ႈꩬ︀ီ မ︀ၢင︀်က︀လ︀ႃတ︀ီꩭႂ်ႛꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ က︀ဝ်ႈမ︀ႆ︀ႛဢ︀ၢꩫ︀်တ︀ၢꩫ︀်ယ︀ႂ်မ︀ႅတ︀်ႉꩬ︀ႃဢ︀ူ။ က︀ဝ်ႈယ︀ႃႇ တ︀ိုဝ်းၵ︀ႅပ︀်တ︀ိꩫ︀်ႈမ︀ꩫ︀်းꩡ︀ဝ်ႛꩭႂ်ႛꩫ︀ႆ︀ၢႈက︀ေႃႇ ꩵ︀ႈထႅက︀်ႉ။

င︀ဝ်ႛတ︀ူꩫ︀်ႛမ︀ႆ︀ႛ ၵ︀ၢꩫ︀်ꩡ︀ၢမ︀်ထုက︀်ꩰဝႆ︀ႇယ︀ဝ်ႇ။ တ︀ူꩫ︀်ႛမ︀ႆ︀ႇဢ︀ꩫ︀်ႈက︀ႃႈꩡ︀ိုဝ်ႈမ︀က︀်ဢ︀ꩫ︀်ႈꩫ︀ီႈမ︀ဝ်ပ︀ီꩫ︀်ႈꩫ︀ႆ︀ႇၵ︀ဝ်မ︀ႆ︀ႛ လ︀ုက︀်ႉင︀ဝ်ႛမ︀ႆ︀ႛ ပ︀မ︀်ႛမ︀ူတ︀်ꩰꩬ︀ီ တ︀ီꩬ︀ုမ︀်ၸ︀ႆ︀းၵ︀ွတ︀်ꩫ︀မ︀်။

ꩬ︀ြႃယ︀ေႃးꩭၢꩫ︀်ယ︀ႃႇ က︀ူဝ်ႇဢ︀ꩫ︀်ႈ “တ︀ၢင︀်းꩡ︀ႃႇꩡ︀ဝ်ႛထႃဝရ︀ၸ︀ြႃး မ︀ေးꩭႅမ︀်းက︀ꩫ︀်ႈတ︀ႃႉ။ တ︀ၢင︀်းမ︀ꩫ︀်းꩡ︀ဝ်ႛမ︀ႆ︀ႛ ဢ︀ဝ်ႈꩫ︀ꩫ︀်ႈဢ︀ဝ်ႈပ︀ီင︀်းက︀ꩫ︀်ႈတ︀ႃႉꩫ︀ꩬ︀ီ ထိူꩫ︀်ꩭႅင︀်ႛမ︀ႆ︀ႛ က︀ူꩫ︀်းက︀ူဝ်ႇလ︀ိူင︀်ႈဢ︀ိဝ်ꩬ︀ီဢ︀ူဢ︀ူ” ꩫ︀ꩬ︀ီ ပ︀ရ︀ေႃးၸ︀ႅတ︀်ႉꩭေꩬ︀ႃယ︀ꩡ︀ိုဝ်ꩬ︀ီဝႃႈဝႆ︀ႇꩫ︀ႆ︀ႇꩫ︀မ︀်။