रोमि 6 માંથી લોકપ્રિય બાઇબલ વચનો

मान्‍ठाभनॆ आसॆ चाइ हिङ्‌वा योम्‍पक् यिगुकि, आक्‍कमि नाम्‍यक् पिॽमार खो सिखॆॽमा लॆ। टर निवाँहाङ्ऎ मरक्‍न पिऎ बारडाना चाइ हानाम्‍स लुक्‍खॆॽनिये हिङ्‌खामा यो। आक्‍क हिङ्‌खामा कानिऎ खिरिस्‍ट येसु कानिम् पारभुबाङ् टक्‍चा।

मसॆ आन्‍ना सक्‍पि हिङ्‌वामि चॆक्‍मावाऎ माङ्‌स लॆहिसुनि मान्‍ठाभनॆ आन्‍ना ह यायॆॽमामि ढुप्‍पाट्‌टबि हॆॽनॆ टर निवाँहाङ्‌मि नाम्‍नावाँबि चुकानि।

मसॆ हानाम् कानिऎ बाप्‍टिस्‍मा लासि, कानि सङ्‌क खिरिस्‍ट नुङ्‌न सिखारि हाङ् खोनुङ्‌न हुम्‍ढारि। हाङ् निवाँहाङ् आपाऎ खोम् चॆक्‍मावा नुङ्‌मा निङ्‌लावाबाङ् खिरिस्‍ट हिङ्‌पॽमिम्‍पा रक्‍न कानिऎ सङ्‌क उम्‍चङ् हिङ्‌खामा टक्‍चाहिकि।

काइसॆ योम्‍पक्‍मि लागि टाङपाम सालुङ्‌पि चुहा भाग आफॆरानॆ। टर सिखॆॽमिम्‍पा याॽमिचिऎ हिङ्‌खामा टक्‍चामिम्‍पा रक्‍न नुऎ योम्‍पकमि लागि टाङ्‌पाम चोब्‍न सालुङ् निवाँहाङ्‌न सङ्‌टिटाम्‍नॆ। मसॆ टाङ्‌पाम सालुङ्‌पिऎ चोब्‍न भागऎ निवाँहाङ्‌मि निवाँनेन योम्‍पक् यिगुर कामानुङ् पिइटाम्‍नॆ।

हाङ् याॽमिचिऎ खिरिस्‍ट कुरुसाबि कॆङ्‌मार कानिमि याॽलिहा हिङ्‌खामा सङ्‌क खिरिस्‍ट नुङ्‌न कुरुसाबि कॆङ्‌मिम्‍पा लॆटा लोमॆ कानिऎ लेः। कानिमि हिङ्‌वा नुङ्‌माऎ हिङ्‌खामा लुक्‍पिॽमामि लागि आक्‍र लिसा हाङ् हयॆबाङ् मरक् कानि सक्‍पि हिङ्‌वाऎ माङ्‌स ढुप्‍पाट्‌ट लॆटुनि लोमॆ खानावाँ कानिऎ ले।

मसॆ आन्‍नॆ सङ्‌क टाङ्‌पा आन्‍नामि हिङ्‌वामि लागि सिखॆॽमिम्‍पा मिॽलामा लॆ, टर आन्‍ना निवाँहाङ्‌मि लागि चाइ हिङ्‌चाकानि मान्‍ठाभनॆ आन्‍ना खिरिस्‍ट येसुमि याॽमिचि लिडानि।

मरहाङ्‌ग माल कानिऎ निवाँहाङ्‌मि ऎॽवा ह ऎॽवा नाम्‍नावाँ टक्‍चासि हिङ्‌वा योम्‍पक् यिक्‍ढाङ्‌मॆ? आक्‍र ग लॆःॽमा फॆन्‍नि! कानि ग हिङ्‌वामि लागि सिखॆडि। मसॆ मान्‍टक्‍ल कानिऎ कानिमि हिङ्‌खामाबि हिङ्‌वा योम्‍पक् यिक्‍ढाङ्‌मा हेकिहा टा?

आन्‍नॆ टाङ्‌पा एक्‍क टुङ्‌घङ्‌पाऎ लोमिम्‍पा खेम्‍मान लॆऎ याॽमि मुकाम्‍नि हाङ्‌ग, आन्‍ना खोमि योम्‍पक् मुखुबा लिकानि। गरहाङ्‌न आन्‍नॆ हिङ्‌वाऎ लोमिम्‍पा खेमुकाम्‍नि हाङ्‌ग, सिखॆॽमॆ लाम्‍फु लाम्‍ढुकानि टर निवाँहाङ्ऎ लोमिम्‍पा खेम्‍कानि हाङ्‌ग निवाँहाङ्‌मि ङारिङ्‌बि निवाँनेन् लिमॆ लाम्‍फुबि लाम्‍ढुकानि।

याॽलि आन्‍ना हिङ्‌वामि योम्‍पक् मुखुबा याॽमिचि लॆटानि टर ह चाइ आन्‍ना निवाँहाङ्‌मि बारेबि पिॽमिम्‍पा खानावाँ चोब्‍न निवाँऎ टिङ्‌खुबा याॽमिचि लिडानि। मसॆ काङॆ निवाँहाङ् ओहाक् पिकुङ्। हाङ् ह निवाँहाङ्ऎ आन्‍ना हिङ्‌वाबाङ् फाक्‍डानि हाङ् आन्‍ना निवाँहाङ्‌मि निवाँनेन् योम्‍पक् यिक्‍मामि लागि खोम् योम्‍पक् मुखुबा लिडानि।