रोमि 3 માંથી લોકપ્રિય બાઇબલ વચનો

मान्‍ठाभनॆ चोब्‍न याॽमिचि हिङ्‌वा नुङ्‌मा लॆःॽमि हाङ् निवाँहाङ्‌मि निङ्‌लावा टक्‍चामाबाङ् फेल्‍लिङ् खॆडामि। टर निवाँहाङ्ऎ कानि खोमि ऎखॆन्‍चाखुबा नाम्‍नावाँ पिस्‍से कानि निवाँनेन् याॽमि मुसि। खोसॆ कानि कानिमि हिङ्‌वामि डान्‍डाबाङ् फाक्‍मॆ योम्‍पक् खिरिस्‍ट येसुबाङ् लॆटु।

येसु खिरिस्‍टबि निवाँयुङ् लॆखुबा चोब्‍न याॽमिचि निवाँहाङ्ऎ खोम् ङारिङ्‌पि निवाँनेन् याॽमिचि लोडुचि मान्‍ठाभनॆ निवाँहाङ्ऎ चोब्‍न याॽमिचि एक्‍क मिगॆॽन खाङ्‌कुचि।

कानिमि हिङ्‌वामि साट्‌टबि सिखॆॽमामि लागि निवाँहाङ्ऎ खिरिस्‍ट ग बाखाटेम्‍पि पाङ्‌हाङ्‌सु। हाङ् येसुऎ खोम् हिङ्‌खामा कानिमि लागि सङ्‌टिसे हारि अङ्‌मिटु। खोबि निवाँयुङ् लॆखुबा चोब्‍न याॽमिचि उम्‍चि हिङ्‌वाबाङ् फागुक्‍मि। ग योम्‍पक्‍बाङ् निवाँहाङ्ऎ खो निवाँनेन् लॆ लोमॆ खानावाँ खाङ्‌मुसु मान्‍ठाभनॆ याॽलिहा डिनाबि खोसॆ याॽमिचि हुङ्‌सेम हिङ्‌वामि डान्‍डा मान्‍पिट्‌टुचि। निवाँहाङ् खोन निवाँनेन लॆ हाङ् येसुबि निवाँयुङ् लॆखुबाचि खोसॆ निवाँनेन मुकुचि लोमॆ खाङ्‌मिॽमामि लागि खोसॆ हऎ लःबि ग योम्‍पक् यिगु।

मान्‍ठाभनॆ यायॆॽमा टिङ्‌मिम्‍पासॆ आसास निवाँहाङ्‌मि ङारिङ्‌पि निवाँनेन् याॽमि लिहिनि। बोरु कानि हिङ्‌वा याॽमि लॆकि लोमॆ खानावाँ कानिये यायेॽमाबाङे ले।

निवाँनेन साब्‍चिराबि गरहाङ् साब्‍डा, “निवाँनेन आसास माआमि, एक्‍क याॽमि स माआमि। निवाँहाङ्‌मि बारेबि आसस माआमि हाङ् आसॆस निवाँहाङ् यगुचिनि। चोप्‍पासॆ निवाँहाङ् याइडुचि हाङ् खोचि चोब्‍न योम्‍पक् आपिक्‍खुबा याॽमि लिडामि। नुऎ योम्‍पक् यिक्‍खुबा ग एक्‍कस माआमि।”

मसॆ कानिऎ कानिमि निवाँनेन् खानावाँबि हानाम्‍स नाबुक् ठॆँठॆँ लॆःॽमा हेसिनि। मान्‍ठाभनॆ यायेॽमा टिङ्‌मिम्‍पासॆ निवाँहाङ्ऎ कानि निवाँनेन् मुमिम्‍पा हॆॽनॆ, टर कानिऎ येसु खिरिस्‍टबि निवाँयुङ् लॆःॽमिम्‍पासॆ कानि निवाँहाङ्‌मि ङारिङ्‌पि निवाँनेन् लिकि काहिकि।

आक्‍र हॆॽनॆ, चोब्‍न याॽमिचि टाङ्‌पामि खानावाँबि बङ्‌चाक्‍मि हाङ्‌स, निवाँहाङ्‌मि खानावाँ चाइ हानाम्‍स चाइबानऎन लि। निवाँनेन् साब्‍चिराबि खोमि बारेबि गरहाङ् साब्‍डा, “ओ पारभु आनॆ माङ् खानावाँ इकुना हाङ्‌स आक्‍क चाइबानऎ लि। याॽमिचिऎ आन्‍ना न्‍याये लॆःॽमार, आन्‍नॆन हेचाइकाम्‍नि।”