रोमि 12 માંથી લોકપ્રિય બાઇબલ વચનો

हाङ् आन्‍ना बाखाटेम्‍बिहा याॽमिचिर पाइमा फॆन्‍नि, टर आन्‍नामि निवाँबि निवाँहाङ् योम्‍पक् मुमा पिट्‌टाम्‍नॆ हाङ् खोसॆ आन्‍ना एक्‍क उम्‍चङ् याॽमि मुकानि। आक्‍र लॆटानि हाङ्‌ग, निवाँहाङ्ऎ आन्‍नामि लागि मिॽमिम्‍पा खानावाँ वाप्‍हिकाम्‍नि। आक्‍क खानावाँ चाइ नुऎ, निवाँहाङ् हाङ्‌हाङ् मुखुबा नुङ् चाइबानऎ लि।

मसॆ काम् बुबुनानुसाचि, निवाँहाङ्ऎ कानि ढ्‌या नाम्‍नावाँ पिॽमिम्‍पासॆ, कॆ आन्‍ना नुःर लोकानि, आन्‍नॆ टाङ्‌पान निवाँहाङ्‌मि लागि हिङ्‌चामा नुङ् पिइटाम्‍नॆ आक्‍क चाइ सॆङ्‌सॆङॆ हाङ् निवाँहाङ् चेन्‍चामिक्‍खुबा योम्‍पक् रेम। आन्‍नॆ निवाँहाङ् चुङ्‌मा लॆऎ चाइबानऎ लाम्‍फु सङ्‌क गन यो।

आन्‍नॆ हुङुकाम्‍नॆ खानावाँबि आन्‍ना चेन्‍चाआनॆ। डुखाबि सङ्‌क आन्‍नॆ निवाँ सेॽमा फॆन्‍नि हाङ् पारठाना लॆढाङ्‌सानॆ।

हाङ् काइसॆ खानावाँऎ आन्‍ना आहेचाइटानिर टर नुऎ योम्‍पक् यिगानॆ हाङ् काइसॆ खानावाँ हेचाहिकाम्‍नि।

आन्‍नामि लुम्‍पि एक्‍कसॆ होइक टाङ्‌पाम् बुबुनानुसाचिर नाम्‍नाम् पिसिपे चुआनॆ। टाङ्‌पाबाङ्‌स होइढाचि ङेबाम्‍चिनॆ।

आनॆ होइढा याॽमिचि नाम्‍नाम पिस्‍सिॽमिम्‍पा खानावाँ चाइबानऎ लिमा लॆः। काइसॆ खानावाँ सिच्‍चाआम्‍नॆ। टर माङ् चाइ नुऎ लॆ म खानावाँ टिङ्‌ढाङ्‌साम्‍नॆ।

हाङ् हेरढारि चोब्‍न याॽमिचि नुङ् सान्‍टिबि पेनानॆ।

बुबुनानुसाचि, आन्‍नॆ सङ्‌क सिरि ऎन्‍मॆ योम्‍पक् आयिगानॆ। खोचि निवाँहाङ्‌मि सिरिबिऎ डान्‍डामि लागि याइटाम्‍चिनॆ। मान्‍ठाभनॆ निवाँनेन् साब्‍चिराबि पारभुऎ गरहाङ् लोडु, “काङॆ सिरि एन्‍मॆ योम्‍पक् यिगुकुङ। काइर लॆखुबाचि डान्‍डा पिॽमॆ काम योम्‍पक्‍न यो।”

हाङ् एट्‌टुबाङ् आलिसानॆ। हेर योम्‍पक् मुसानॆ हाङ् आनामि चोब्‍न निवाँऎ पारभुमि योम्‍पक् यिगानॆ।

निवाँहाङ्‌मि नाम्‍नावाँ टक्‍चाडुङॆसॆ कॆ आन्‍ना चोब्‍न नुःर लोकानि, आन्‍ना मान्‍टक्‍मा याॽमिर मबाङ्; नुऎ लॆःॽङा आमिनानॆ। टर निवाँहाङ्‌ऎ आन्‍ना पिॽमिम्‍पा निवाँयुङ् आनुसारा आन्‍ना मान्‍टक्‍मा याॽमि लॆकानि मरक्‍टे मिॽलाआनॆ।

एक्‍कसॆ आन्‍ना काइर लॆटानि हाङ्‌ग, खो काइरन आलॆटाम्‍नॆ। टर चोब्‍न याॽमिचिमि ङारिङ्‌पि नुऎ योम्‍पक् यिगानॆ।

चोब्‍ननुङ् टङ्‌चासे पेनानॆ। कायाङ्‌पा आमिनानॆ। चोब्‍न याॽमिचि नुङ् मिःछुपा लॆङानॆ हाङ् चोब्‍न खानावाँ लेक्‍खुबा आलॆङानॆ।

बोरु निवाँनेन् साब्‍चिराबि गरहाङ् लोसिन्‍ट, “आना सिच्‍चाखुबा याॽमिचि साक्‍मेन्‍चा लॆःॽमि हाङ्‌ग, चामा पिट्‌टाम्‍चिनॆ हाङ् खोचि वाइमेसिडुचि हाङ्‌ग, डुङ्‌मा पिट्‌टाम्‍चिनॆ। खोचि सक्‍पि आन्‍ना आक्‍रहाङ् पाइटानि हाङ्‌ग, खोचिऎ आन्‍ना सक्‍पि यिक्‍मिम्‍पा योम्‍पक्‍बि खोचि ङेसिखॆःक्‍मि।”

हाङ् आन्‍ना काइर डुखा पिक्‍खुबा याॽमिचि आसिका पिट्‌टाम्‍चिनॆ। खोचिबि चाप्‍हिमा सिॽल आलोसाम्‍चिनॆ, टर खोचिमि लागि पारठाना लॆटानॆ। हाङ् चेन्‍चामाबि चुखुबाचिनुङ् चेन्‍चाआनॆ हाङ् हाःब्‍खुबाचिनुङ् हाबानॆ।

हाङ् मुबाक्‍मा लॆःॽमिहा निवाँहाङ्‌मि याॽमिचि मुबाकाम्‍चिनॆ। हाङ् आनामि खिम्‍पिऎ लङ्‌भॆरॆङ्‌मा होइढा टाबाङ्‌चिमि लागि सङ्‌क हेम्‍बक्‍मा लॆ।

मान्‍टहाङ् कानिमि एक्‍क सालुङ्‌मि होइढा ओइर भाग चु हाङ् आक्‍खा चोब्‍न भागमि टाटाङ्‌पामि होइक होइकन योम्‍पक् चु, गरहाङ्‌न कानि डिरिक् लॆकि हाङ्‌स, खिरिस्‍टबि कानि एक्‍कन हाङ् कानि चोब्‍न एक्‍कमि लागि होइक पाप्‍खुबा याॽमिचि यो। हाङ् एक्‍क सालुङ्‌बि होइढा भाग लिसिन्‍टक्‍न, कानि खिरिस्‍टमि एक्‍क सालुङ्‌बिऎ भाग यो।