Popular Bible Verses from Matayɔ 28

શેર કરો

Kʉ ɓwanɨ, seni amati ʉ mababa kʉ ɓombi kʉ ɓuɓomu, nambuɓunicho kʉka ɓakpataka ngiɓʉsɛmɛ. Nambuɓuɓatiso akʉ ino yɨ Tidoo, Mwana, nʉ 'Ʉtʉma wɔɔ Tu. Ɓʉpanɨeni kʉkyananakɨa mapanʉ kʉ muɓomu ngika ma꞉ninzo. Nʉ pimiseni ɓɔ ɛmɛ ma ɨzɔ ninu makwaa kʉ muɓomu kʉɓʉya tʉkʉ akʉ 'upipio wʉ ʉɓɨɨ. »

Yeso ambʉka tinene naɓɔ, gʉ ɛyɔ naɓɔ ɓɔ: « Ʉpanʉ wʉ moni kʉ muɓomu ngika ka ekoo ʉ ɓisi nʉ ika ka akʉ ɨtaka, Tidoo ngiasɛmɛ a꞉nanzo ʉwɔ nzoni.

Ɨkyɛmɨngana, malaika wʉ Asʉɓɨɨ wambusigio ɓoi ngiɓʉnanɨ ɓɔ: « Nɔɔkumokɔmʉ! Makʉmbɨa ɓɔ nʉ꞉ka kʉhata Yeso iya ɓa꞉mʉɓakaka bɛ ekoo ʉ mʉsalaba. Ambʉkɔmʉ tii ɓata aka! Ʉ꞉jʉkana akʉ ingyo jʉkananɨ, ngbanga kʉndʉ aka a꞉sigo jɛnɛ‑ɔɔ. Ikeni kʉna izi ngia ɓa꞉mʉkwaiso bɛ‑ɔɔ.

Yeso ambuɓusigio ɓɔ: « Nɔɔkumokɔmʉ! Seni kʉɓɨakɨa ɓayoo ɓʉsɛmɛ ɓɔ ɓʉ́sa anʉ Galilaya. Ɓa꞊bi nɛmɛ kʉna tiga nani. »

Ɛɓɔ ɓangama ɓʉ ɓakumu‑kumu ɨzɔ nʉ ɓagʉgʉ ɓambʉmʉmanakɨa kuwulio ubua. Mbise ɔngɔ, ɓambʉkɔnɔ ɓɔ ɓunzo ɓasʉda falanga ʉja nadɨndɨ. Gʉ ɛɓɔ naɓɔ ɓɔ: « Inu, sigeni tʉkʉ ɓɔ: ‹ Ɓakpataka ngiɓangɔ ɓʉ꞉ka nayɔ kuɓo nuɓutu ati ngia ki꞉nye‑ɔɔ akʉ tɔɔ. › Ngama ʉ gɨpa ukeni ɨsaʉ ngiinanɨ, isu ka꞊yakanaka tiga naɓɔ nayɔ kijiso 'ʉtʉma ambʉ inu nɔɔɗaakɔmʉ moni. » Kija ɓasʉda ɓa꞉chɨka falanga, ɓambʉkyɨa ngbanga kʉndʉ aka ɓa꞉ɓusigio‑ɔɔ. Ɨsaʉ ngiinanɨ ya꞉nanzana ati ʉ Ɓayuda tii tʉkʉ ɓwanɨ, kʉɓʉya kʉndʉ ɓʉɓʉnɨ.